اوّل تیموتائوس 3:3 - کتاب مقدس به زبان گیلکی - گویش شرقی

³ نه ای کی عرقخور یا زورگو ببون، بلکه آرؤم ببون؛ نه جنگی و نه پولدوست.

Gilaki New Testament

³ هطویم نوأستی مشروب بوخوره و توندٚ اخلاق بٚدأرٚه، بلکی خوروم اخلاق بٚدأره و دعوأ جَا دوری بوکونه، عأشقٚ مأل و مینأل نٚبه.

کتاب مقدس به زبان گیلکی - گویش رشت و غرب گیلان

³ نه عرق خور، نه زورگو بلکی آرام بِبه، نه جنگی، نه پولدوست.

اوّل تیموتائوس 3:3 Iomraidhean Croise

متّی 21:13

عیسی اوشونه بوته: «بَنویشته بوبُؤ​که، ”می خونه، دعاخونه بنه،“ امّا شمه اونه راهزنونِ لؤنه چاگودین.»

اعمالٚ رسولأن 20:33

می چیشم هیشکسِ طلا و نقره و رخت میئن دنبو.

رومیأن 16:18

چونکی ایجور آدمون امئه خُداوند مسیحَ خدمت نوکونن، بلکی به فیکر خوشونِ شوکومن و قشنگ گبون و خاش والیسی هما، ساده آدمونَ گول زئنن.

افسسیان 5:18

و شراب اجی مستأنبین، کی شمره بد کارون ور هکشنه؛ بلکی خدا روح اجی پورابین.

اوّل تسالونیکیان 5:14

أی برأرؤن، شمرأجی خواهش کؤنیم کی تنبلؤنه أندرز بوکونین، ترسوؤنه تشویق بوکونین، ضعیفؤنه کمک بوکونین؛ و همه کس همرأ صبور ببین.

اوّل تیموتائوس 3:8

هیطؤرم شماسؤن نی خأ وقار بدأرن؛ پلت‌ولگ نبون، شراب گیرفتار نبون، نادرست سود ئبه حیرص نزنن.

دوم تیموتائوس 3:2

چونکی مردوم خودپرست، پولپرست، مغرور، متکبر، فحاش، نافرمؤنبر نسبت به خوشؤن پئر و مأر، ناشکر، ناپاک،

تیتوس 1:11

اوشؤن توک مچهَ خأ دبستن، چونکه اوشؤن همه ته خؤنواده ئانه دکألنئنن و ناحق سود وأسی او چیزؤنیِ تعلیم دئنن کی نخأ تعلیم بدئن.

تیتوس 1:7

چون یکته ناظیر کی خدای مباشیر ایسه، نخأ هیچی اون زیندگی مئن دبون که اون ئبه سرأکؤ بوخؤره. او نخأ مغرور یا توندمیجاز یا عرقخؤر یا زورگو ببون یا ای کی پول ئبه حیرص بزنه،

تیتوس 2:3

پیرزناکؤن نی خأ خوشؤن حرمته بدأرن، ایفترا نزنن و زیادی شراب خؤردن برده نبون. اوشؤن خأ هرچیِ کی خؤرمه، تعلیم بدئن

تیتوس 3:2

هیکس بده نوگؤن، دعوا نگیرن، آرؤم ببون و همه ته مردوم همرأ ادب أجی کردکار بدأرن.

عبرأنیأن 13:5

شیمئه زیندگیِ پولدوستی جی دور بدارین و هو چی همرأ که دأنین قانع ببین. چون خدا بوته: «هرگی تأ ویلأنوکؤنم، و تأ تسک و تنها ننئنم.»

یعقوب 4:1

چی باعث بنه شیمه میئن دعوا ببی؟ و چی باعث بنه شیمه میئن جنگ و جدال دکی؟ مگه شیمه هوا و هوس واسه نیه که شِمه وجود میئن جنگسه درین؟

۱پطرس 5:2

او رومهَ کی خدا شیمئه دست بسپارده، گالشی بوکونین و ای شمره یاد دبون، نه زورزورکی، بلکی میل و رغبت همأ، هوطؤ کی خدا خأنه؛ و نه ناروا سود وأسی، بلکی شؤق همرأ.

دوم پطرس 2:3

و خوشؤن طمع راه مئن، دورؤغ گبؤن همأ، شمره غارت کؤنن. ایشؤن محکومأبؤن کی قبلترؤن تعیین بوبؤ، ایشؤن رافا ایسأ و ایشؤن نابودی نخوته!

یهودا 1:11

وای به حال اوشؤن! چونکی قائنِ بوشؤ راه بوشؤن و خوشؤن منفعت خؤنی، بلعام غلط راه مئن دکتن و قورح شورش مئن هلاکأبؤن.

موکأشفه 1:9

مو، یوحنا، شیمئه برأر، که عذاب مئن و او پادشاهی و پایداری مئن کی عیسی مئن دره شیمئه همرأ شریکم، خدا کلؤم و عیسی شهادت خؤنی یکته جزیره مئن ایسأبوم که اونه پاتموس دوخؤندن.