Psalm 69:4 - Edo Bible (E Baibol Ẹdo) Version 1996

⁴ Iran ni khuiwu mwẹ vbe ne a i na mwẹ otọ bun sẹ eto ne uhunmwu mwẹ. Avbe eghian mwẹ mu ohoghe ba mwẹ, iran wegbe, iran kevbe ho ne iran gbe mwẹ uan. Iran mu mwẹ gha ha osa emwi ne I ma rhie.

Psalm 69:4 Iomraidhean Croise

Psalm 35:19

Ghẹ gie iran ne eghian mwẹ, avbe ọhọn ohoghe nii, ghọghọ mwẹ wẹ obọ vba mwẹ. Ghẹ gie iran ni khuiwu mwẹ vbe ai mwẹ otọ, ye igiogio gbe mwẹ ye akhiẹ mwẹ.

Psalm 40:12

Orueghe nibun lẹga mwẹ ọ bun gbe, a i sẹtin ka ẹe. Obọ orukhọ mwẹ vba mwẹ, mẹ i ghi sẹtin bẹghe, iran bun sẹ eto ne uhunmwu mwẹ ẹtin fo mwẹ nẹ.

Psalm 59:3

Ghe! Iran ghae ye odẹ ne iran gbe mwẹ uan. Avbe emwa dan gha si uma ga mwẹ, ẹ i re rhunmwuda orukhọ, ra abakuru ne I ru.

Psalm 6:7

I i ghi bẹghe odẹ ẹse, rhunmwuda eve ne eghian mwẹ zẹ yọ mwẹ egbe, te aro mwẹ hia ghi hinmwian.

Iyẹn ne ọ Maan Ọghe Jọn 15:25

Ẹ i mwẹ ọ ma gha ye vberriọ, ne emwi ne a gbẹn ye uwu Uhi iran miẹn ehe na sẹ wẹẹ, ‘Iran kegha khọ ẹko mwẹ ọghe edanmwidan!’

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

I Pita 2:22

Ọ ma ru a i ghẹ ru, a ma vbe miẹn ọmwa ne ọ họẹn ẹmwẹ ohoghe ọkpa vbe unu ẹnrẹn.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.