Psalm 41:2 - Edo Bible (E Baibol Ẹdo) Version 1996

² E Nọyaẹnmwa gha degue iran vbe rhie ẹdagbọn iran lẹre. Ọ gha ya ekhọe iran gha rhiẹnrhiẹn vbe otọe nii rẹn i ra vbe sẹ iran rae ye obọ ẹtin avbe eghian iran.

Psalm 41:2 Iomraidhean Croise

Psalm 27:12

Ghẹ sẹ mwẹ rae ne avbe eghian mwẹ, ni ya ohoghe kevbe a yan khẹ ọmwa gun mwẹ gbinna.

Psalm 33:19

Ọ miẹn iran fan vbe obọ uwu, ọ gie iran gha rre agbọn, vbe ẹghẹ ukhunmwu.

Psalm 37:22

Iran ne Nọyaẹnmwa fiangbe ọ re ọ yan otọe nii. Sokpan, a gha khulo iran ne ọ fi ẹre unu ladian.

Itan 11:17

Ẹse ọ re u ru ne egbuẹ adeghẹ u mwẹ itohan, adeghẹ ekhọe azẹn ọ re ọ guẹ, egbe ruẹ ọ re u ra kuan.

Itan 14:21

U gha ho ne u gha mwẹ ẹko rhiẹnrhiẹnmwẹ, gha tohan ivbiogue; orukhọ nọ ne a gha zan ọmwaikọmwa.

Itan 19:17

U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.

Itan 31:20

Ọ zẹ emwi obọ ne avbe ivbiogue ke ni i mwẹ.

Jerimaia 39:17

Sokpan, mẹ ne Nọyaẹnmwa gha degue ruẹ, ai ra rhie ruẹ ne avbe emwa ne afianma rẹn fian an.

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

Ebe Rut 2:19

E Naomi keghi tama rẹn wẹẹ, “De ehe ne u na ya rhọ ọka ẹrẹ yi? De ugbo ọmwa ne u na ya winna? Te Osanobua gha fiangbe ọmwa ne ọ zẹ ye uwa re.” E Rut keghi tama Naomi ighẹ ugbo ọmwa ne a tie ẹre Boaz rẹn na ya winna.