Psalm 1:3 - Edo Bible (E Baibol Ẹdo) Version 1996

³ Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 1:3 Iomraidhean Croise

Gẹnẹsis 39:23

Te eseghan ghi gha fi aroa vbe avbe emwi ne Josẹf gbearoghe, rhunmwuda Nọyaẹnmwa mudia ne Josẹf, ọ na giẹe gha miẹn arudinodẹ vbe emwi ne ọ ru hia.

Gẹnẹsis 39:3

Arowa ẹre keghi miẹn wẹ e Nọyaẹnmwa mudia ne Josẹf kevbe wẹ Nọyaẹnmwa gie emwi ne ọ ru hia gha dinna odẹ.

II Ọba 18:7

Ẹre Nọyaẹnmwa na yaba ẹre, emwi hia ne ọ ru kegha dinna odẹ. Ọ keghi sọtẹ ọba nọkhua ọghe Asiria, ọ na wẹ rẹn I ga gie ẹe.

I Krọnikol 22:11

E Devid keghi rhie te ẹe wẹẹ, “Banbanna nian, ovbi mwẹ, te Nọyaẹnmwa ne Osanobua ruẹ gha deba ruẹ, ne ọ vbe mu eyan rẹn sẹ ne ọ gie Ọgua Osa ne a ra bọ ne ẹẹn mwẹ ruẹn uhunmwu.

I Krọnikol 22:13

A dẹghe u ya uhi hia ne Nọyaẹnmwa viọ ne Mosis ne ọ viọ ne ivbi Izrẹl gha ru emwi, u gha ru ne a gban. Mu egbe ne u gie ekhọe ruẹ sotọ, ghẹ vbe gie emwi rhọkpa ye afianma fian an.

II Krọnikol 31:21

Emwi kegha dinnodẹ ne ẹẹn rhunmwuda emwi hia ne ọ ru ne Ọgua Osa ne zẹ vbene uhi khare, orhiọn ẹmwata kevbe ekhọe ne ọ mudia ẹse vbe odaro Osanobua ẹre ọ ya gha ru ẹe.

II Krọnikol 32:23

Emwa ni bun kegha rrie Jerusalẹm, iran kegha ya imuohan gie Nọyaẹnmwa, iran na vbe gha zẹ ọhẹ gie Hẹzekaia sẹrriọ we ke ẹghẹ ni kpa, emwa hia keghi wa gha ghe Hẹzekaia gidii.

Job 14:9

Vbene amẹ na rrọọ, ọ gha zọ vbe ovbi erhan.

Job 22:28

Emwi ne u ru hia ghi dinna odẹ ne uẹn uwan mwẹ ghi gha wan ye odẹ ne u la.

Psalm 128:2

Iwinna ruẹn gha rhie emwi ne u gha re nuẹn, ẹko gha rhiẹnrhiẹn ọn, agbọn gha vbe ma ruẹn.

Psalm 129:8

Ai miẹn ọmwa ne ọ gha la evba gberra, ne ọ khama rẹn wẹẹ, “Te Nọyaẹnmwa gha fiangbe uẹ! Ma fiangbe uẹ vbe eni e Nọyaẹnmwa.”

Psalm 92:14

Ne ọ ye mọ vbe ẹghẹ ọmaẹn ne ẹbe ẹre bi nunuunu vbe ẹghẹ hia ọ ghi vbe wegbe.

Psalm 92:15

Ọna rhiema wẹẹ ọmwata ọre Nọyaẹnmwa khin kevbe wẹ abakuru i vbe rre obọ ọmwa ne ọ gbe aro ghe mwẹ.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Aizaia 44:4

Iran gha maa zẹ vbe irunmwu ne a gbe amẹ khakha, zẹ vbe iyikhoẹzẹ ne ọkpẹn ẹzẹ ne ọ lẹ.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Jerimaia 17:8

Te irẹn yevbe erhan ne ọ zọọ vbe ọkpẹn ẹzẹ, ne ọ vbe zẹẹ inian ya fi uwu amẹ ohan i mu ẹẹn vbe uyunmwu a rre rhunmwuda, ebe ẹre ghi ye biua nunuunu ẹ i vbe hawa vbe amẹ ma rhọ ọ ghi ye gha mọ khian.

Ezikiẹl 17:8

Ehe ne a kọ azara na yi keghi re ehe ne ọ maa emwiokọ ne amẹ wa ye ne ọ miẹn ehe na họn ebe ẹsẹse kevbe ne ọ vbe mọ, ne ọ gha re azara nọ mose ẹsẹse.

Ezikiẹl 19:10

Te iye uẹ te ye vbe erhan azara, ne a kọ ye ọkpẹn ẹzẹ. Rhunmwuda ne amẹ na rrọ ẹsẹse nii, ọ keghi họn ebe, ọ keghi vbe mọ ẹsẹse.

Ezikiẹl 31:5

Rhunmwuda ne a na gbe amẹ khakha ẹe ẹsẹse. Ọ keghi tan sẹẹ avbe erhan ọvbehe hia fẹẹrẹ. Abọ ẹre keghi tan, ọ keghi kọnkọn.

Ezikiẹl 47:12

Erhan ughughan gha zọ vbe obọ eva vbe ọkpẹn ẹzẹ nii ne iran gha rhie evbare ne a re rre. Ebe iran i ra kaka ẹdẹ, a i vbe miẹn wẹ iran dobọ umọmwẹ yi. Uki uki ọre iran gha ya gha mọ ọmọ ọgbọn, rhunmwuda, ẹzẹ ne ọ ke uwu Ọgua Osa lẹ rre, ọ re ọ rhie amẹ ne iran. Ọmọ ne iran mọẹn, a ghi gha rri ọe, ebe ni rrọ ghi gha re ukhunmwu ne a ya sinmwi emwa.”

Nọmbas 24:6

ọ ye vbe ọgbagba ne ọ taẹn ọghe udin, ra ogba obobo nọ rre ọkpẹn ẹzẹ zẹ vbe erhan alọe ne Nọyaẹnmwa kọe. Ra avbe sida ni rre ọkpẹn ẹzẹ.

Matiu 13:6

Ugbẹn vbe ovẹn ghi yunmwu, ọ keghi luẹluẹ, ukhu ẹre ne ọ da zọọ keghi kakaa rhunmwuda inian rẹn ma he la otọ dinmwi.

Matiu 21:19

Rẹn keghi bẹghe erhan ohọ ọkpa vbe ọkpẹn odẹ. Sokpan ọ ma miẹn emwi rhọkpa vbe uhunmwu ẹnrẹn gberra ebe. Rhunmwuda ọnii Jesu tama erhan ohọ nii wẹẹ, “U i ghi dọlegbe mọ ọvbehe.” Erhan ohọ ni keghi kaka ọwarọkpa nii.

Matiu 21:34

Ọ ghi sẹ ẹghẹ ne a ya rhọ emwiorhọ, ọ keghi gie ọkpa vbe uwu eviẹn ọnrẹn ne ọ ya miẹn iran oghae ne ọse irẹn egbe vbọ viọ rre.

Matiu 21:41

Iran wanniẹn wẹẹ, “Te ọ ra gbele emwa dan ni uan, ọ ghi mu ugbo ni ne emwa ọvbehe ni gha viọ emwi ne ọ sẹ irẹn egbe ne ẹn vbe ẹghẹ, vbe iran a rhọ emwiorhọ.”

Iyẹn ne ọ Maan Ọghe Jọn 15:6

Ọmwa ne ọ ma di uwu imẹ ya, a gha mu ẹn fi fua zẹ vbe abọ, ọ ghi vbe kaka, a gha si egbe abọ vberriọ koko, a ghi hẹ ku erhẹn, a ghi giẹn ọnrẹn uan.

Diuteronomi 28:8

“E Nọyaẹnmwa Osanobua rua gha fiangbe iwinna uwa, ọ ghi vbe ya ọka vuọn erru uwa hia. Ọ gha fiangbe uwa vbe otọ ne ọ ra mu ne uwa.

Ebe ne Jud gbẹẹn 1:12

Iran ye vbe ehe ne ọ gbe iruẹn vbe ehe ne ima na rri evbare ivbiotu mwa, rhunmwuda evbare ọzuọ ọghe ifaegbe ua, iran. Ẹgẹn iran ọkpa ọre iran gua yi. Iran ye vbe ubimwẹ amẹ ne ẹhoho mu khian, amẹ ọnrẹn i rhọ. Iran yevbe erhan ne ẹ i mọ, ọ gha khọn rẹn ne ọ gha re ẹghẹ orhọ, erhan ne a vu ẹre uhe mu fua nẹ, ne ọ wa wu fẹẹrẹ.

Arhie Maan 22:2

Ọ keghi lẹ la adesẹneva ukpo ọghe ẹvbo ni. Vbe obọ eva ọghe ẹzẹ nii, erhan ẹfe keghi rrọọ, igba iweva ọre ọ mọ vbe ukpo, uhukpukpa vbe uki, ebe ẹre keghi re ne a ya mu agbọn ẹvbo egbe rran.