Nọmbas 8:7 - Edo Bible (E Baibol Ẹdo) Version 1996

⁷ sanmwẹ amẹ afọ yan iran, ne u wẹ ne iran zọ eto hin egbe iran hia rre fẹẹrẹ, ne iran vbe họ ukpọn iran. Ẹghẹ nii awua i ghi rre iran egbe.

Nọmbas 8:7 Iomraidhean Croise

Gẹnẹsis 35:2

Ẹre Jekọb na do khama ẹgbẹe ọre kevbe emwa ni guẹe rre evba wẹẹ, “Wa viọ ẹbọ ẹrrẹe ne uwa mwẹ kua, wa khuẹ egbe uwa huan ne uwa viọ ukpọn nihuanrẹn ye egbe.

Psalm 51:2

Khuẹ emwi dan mwẹ hia kua ne u vbe khuẹ mwẹ huan hin orukhọ mwẹ rre.

Psalm 51:7

Khiẹn orukhọ mwẹ hin rre mẹ gha huan, khuẹ mwẹ mẹ gha fua sẹẹ isonorhọ.

Ẹksọdọs 19:10

E Mosis keghi tama e Nọyaẹnmwa vbene emwa nii kha hẹ, e Nọyaẹnmwa keghi tama e Mosis wẹẹ, “Bu emwa nii gha khian ya tama iran ne iran mu egbe ugamwẹ ye otọ khẹ ẹrẹna kevbe ẹdẹ ne akhuẹ, ne iran họnmwẹ egbe ye otọ khẹ ugamwẹ. Wẹ ne irẹn họ ukpọn iran ne a miẹn wẹ,

Aizaia 52:15

Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Levitikọs 15:27

Ọmwa ne ọ vbe ya obọ kan iran, awua guẹe, ọ ghi ya họ ukpọn rẹn, ọ ghi vbe khuẹ, ọ ghi gha re ne awua gue ya sẹ ota.

Levitikọs 15:6

Ra ne ọ tota ye emwi ne ọmwa nii tota yi, ghi ya họ ukpọn rẹn, ọ ghi ya khuẹ, ọ ghi gha re ne ọ mwẹ awua ọ te ya sẹ ota.

Levitikọs 16:28

Ọmwa ne ọ giẹn iran uan, ghi ya họ ukpọn irẹn, ọ ghi khuẹ, ọ ke dọlegbe gha die agọ.

Levitikọs 8:6

E Mosis keghi viọ Errọn ke ẹe kevbe ivbi ẹre rri odaro ne iran do khuẹ akhuẹ iruemwi.

Nọmbas 19:13

Ọmwaikọmwa ne ọ yobọ kan orinmwi, ọ na ma khuẹ egbe ẹre huan, khian ne ọma huan rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba emwa Osanobua.

Nọmbas 31:20

Wa ghi họnmwẹ ukpọn kevbe emwi hia ne a ya ohian ru ra eto ẹwe ra erhan.”

Nọmbas 8:21

Avbe Livai keghi khuẹ egbe iran huan, iran na họ ukpọn iran, Errọn keghi ya iran fi ohan zẹ vbe izẹọhẹ kpataki ne Nọyaẹnmwa. Ọ keghi vbe ru iruemwi akpehuan ne iran.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.

Hibru 9:13

Esagiẹn ẹwe kevbe ẹmila nii, kevbe emuẹn ese ne a giẹn uan nii, a ghi bọnmwẹ ọẹn yan iran ni ma huan vbe ọghe ilawo iruemwẹ ugamwẹ, ọ ghi ya iran khian ni huanrẹn zẹ vbe ọghe ilawo iruemwi ugamwẹ.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.