Nọmbas 8:6 - Edo Bible (E Baibol Ẹdo) Version 1996

⁶ “Hannọ avbe Livai ye efẹn ọkpa hin uwu ivbi Izrẹl rre ne u kpe iran huan vbenian:

Nọmbas 8:6 Iomraidhean Croise

II Krọnikol 29:11

Ivbi mwẹ, wa ghẹ ya ẹe rhọ eghẹrẹ hiehiere. Wa ọrọre emwa ne Nọyaẹnmwa zẹe ne ọ gha giẹn eturari ghe irẹn kevbe ne ọ gha ya avbe emwa ni ru ugamwẹ irẹn.”

Ẹksọdọs 19:15

E Mosis keghi khama iran wẹẹ, “Wa ghi mu egbe irakhuẹ. Okpia vbe okhuo ghẹ miegbe vbe uwu ẹghẹ na.”

Aizaia 52:11

Wa ghẹ mwẹ wa ma kpao vbe Babilọn wa ni viọ emwi ne a ya ga vbe ọgua Osa mwẹ, wa ghẹ ye obọ kan emwi awua wa gie egbe uwa gha re nọhuanrẹn, ne uwa kpao.

Levitikọs 14:11

Ohẹn ghi rhie ọmwa na, ke ẹe kevbe emwi izẹọhẹ na, gha rrie onurho Owa Ukpọn Ile.

Malakai 3:3

Te irẹn ra do bu ohiẹn zẹ vbe ọmwa ne ọ kpe, kevbe ne ọ vbe ya esiliva khian ọgbọn. Zẹ vbene ogun ẹrọnmwọ kpe esiliva kevbe igoru, erriọ ukọ e Nọyaẹnmwa ra kpe avbe ohẹn huan ne iran miẹn ehe na gha viọ emwi ihaoko ne ọ kere gie Nọyaẹnmwa.

Nọmbas 3:6

“Viọ ivbi ẹwae Livai ladian ne u zẹ iran ni ga Errọn ne ohẹn.

Nọmbas 8:5

E Nọyaẹnmwa keghi tama e Mosis wẹẹ,

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.