Nọmbas 7:10 - Edo Bible (E Baibol Ẹdo) Version 1996

¹⁰ Avbe ọkaolotu keghi vbe viọ emwi rre do ya titi ugie ne a na ya aka nii fi ohan. Iran ghi suẹn gha viọ avbe emwi ihaoko nii rrie aka,

Nọmbas 7:10 Iomraidhean Croise

I Ọba 8:63

Ọ keghi ya ẹkhuia ẹmila arriaisẹn eva yan ugie (22,000) zọ ese kevbe ohuan arriaisẹn iyehan (120,000) zẹ vbe ọghe isara. Erriọ ọ re ọba kevbe emwa nii hia na ya Ọgua Osa fi ohan ne a na gha ga e Nọyaẹnmwa.

II Krọnikol 7:5

Ọ keghi ya ẹmila arriaisẹn eva yan ugie (22,000) zọ ese, kevbe ohuan arriaisẹn iyehan (120,000), erriọ ọ re rẹn kevbe emwa nii na do ya Ọgua Osa nii fi ohan.

II Krọnikol 7:9

Iran keghi ya ikpẹdẹ ihinrọn do ugie ne a ya ye Ọgua Osa fi ohan, iran keghi vbe ya ikpẹdẹ ihinrọn ọvbehe do ugie nii. Vbe ikpẹdẹ ne okiekie, iran keghi do ugie ne a ya khui ẹre uhunmwu.

Nehimaia 12:27

Ẹghẹ ne a na ye ekẹn ne a gbe lẹga Jerusalẹm fi ohan, a keghi ya viọ avbe Livai ke ehe ne iran a rhirhi a gha ye rre ne iran deba emwiukpo a ya fi ohan ni vbene iran gha na so ihuan ekpọnmwẹ deba isẹ kevbe akpata ne a kpee.

Nehimaia 12:43

Emwi ni bun ọre a ya zẹ ese ẹdẹ ne ẹdẹrriọ, ẹko kegha sẹ emwa hia ọyẹnmwẹ, rhunmwuda, Osanobua ọ re ọ rhie ọyẹnmwẹ ne iran. Avbe ikhuo kevbe ibiẹka keghi vbe deba emwiukpo na, a keghi gha họn urhu uwemwẹ iran ya sẹ arria ọvbehe.

Psalm 30:1

I rho ruẹ Nọyaẹnmwa, rhunmwuda u miẹn mwẹ fan nẹ, u ma gie avbe eghian mwẹ ghọghọ mwẹ.

Nọmbas 7:1

Vbe ẹdẹ ne Mosis wa mu Owa Ukpọn Ile gbọ fo zẹẹ, ọ tue ori ye owa ukpọn nii, ọ keghi vbe ya ẹe fi ohan keẹ kevbe emwi ne a lo vbọ hia.

Nọmbas 7:11

e Nọyaẹnmwa keghi tama e Mosis wẹẹ, “Dọmwadẹ ọkaolotu ọkpọkpa, ghi gha viọ emwi ihaoko ọghe ọe ne a ya titi ugie ayafiohan aka rre ẹdẹgbegbe la ikpẹdẹ iweva.”

Nọmbas 7:84

A ghi roro emwi ne avbe ọkaolotu viọ rre ne a ya do ugie a ya aka fi ohan, ọ kegha ye nian: Ọkpan ni dinmwi ọghe esiliva iwe iweva kevbe ọkpan ne wẹwẹrhẹ ọghe esiliva iweva ukhuamwẹ ehia kegha re uwan iyeha (60). Ọkpan igoru ni dinmwi iweva ne a ya eturari vuọn, ukhuamwẹ ọnrẹn kegha re uwan nekherhe evairre kigbesiyeha. Ẹkhuia ẹmila iweva, ogho iweva kevbe ivbi ohuan amwẹ ni he rre ukpo ọkpan ke ẹe kevbe izẹọhẹ ọka ni lelẹe khian, ne a ya zọ ese ne a giẹn uan: ewe iweva ọghe ese orukhọ ẹkhuia ẹmila enẹyanugie, ogho iyeha, ẹwe iyeha, ivbi ohuan ni he rre ukpo ọkpa, iyeha ọghe isara.

Diuteronomi 20:5

“Ẹghẹ nii, avbe ekaolotu ghi do gu emwa nii guan wẹẹ, ‘Arhin eso rre emwa na ra ne ọ bọ owa ne ọ ma he kie ẹre? A deghẹ ọ rrọọ, ọ sẹtin gha rrie. Ne a ghẹ miẹn wẹ, a gha gbe ẹe vbe okuo ọmwa ọvbehe ọ re ọ ghi ya kie owa ẹre.