Nọmbas 7:1 - Edo Bible (E Baibol Ẹdo) Version 1996

¹ Vbe ẹdẹ ne Mosis wa mu Owa Ukpọn Ile gbọ fo zẹẹ, ọ tue ori ye owa ukpọn nii, ọ keghi vbe ya ẹe fi ohan keẹ kevbe emwi ne a lo vbọ hia.

Nọmbas 7:1 Iomraidhean Croise

Gẹnẹsis 2:3

Rẹn keghi fiangbe ikpẹdẹ ne ogihinrọn, ọ keghi zọe ye otọ zẹ vbe ẹdẹ kpataki, rhunmwuda ẹdẹ nẹdẹrriọ ọre ọ winna iwinna emwi ne ọ yi fo, ọ na dobọ iwinna yi.

I Ọba 8:64

Vbe ẹdẹ ọkpa nii, ọ keghi vbe ya ikun ne adesẹ ne ọ rre odaro Ọgua Osa fiohan, ehe ne a na giẹn vbe aka avbe aranmwẹ ne a ya zọ ese, ne a ma va, izọ ese avbe ọka, kevbe ẹvbi aranmwẹ ne a ya si isara. Aka ọghe oze ne ọ rre Ọgua Osa, ma ghi gua emwi izọese na hia.

Ẹksọdọs 13:2

“Ye avbe emọdiọn ni re ikpia vbe Izrẹl fi ohan mẹ, ọ re ọghe ọmwa nọ ra emwirri, ọghomwẹ nọ.”

Ẹksọdọs 29:36

Ẹdẹgbegbe u ghi gha ya ẹkhuia ẹmila zọ ese ye orukhọ ne a miẹn ehe na ya orukhọ bọ. U gha ghi zọ ese ye orukhọ nẹ, u rhie orukhọ hin aka rre nẹ, iyeke ọnii, u ghi nọnọ ori oliv yọ ne u ya ẹe khian ne ọ hunanrẹn.

Ẹksọdọs 40:11

U ghi vbe nọnọ ori ye uwawa akhuẹ ne ọ rrọọ ke ẹe kevbe emwi ne a muẹn yan, erriọ u gha ya ya ẹe fiohan.

Nọmbas 17:2

“Tama ivbi Izrẹl ne iran viọ ọkpọ utuaotọ iweva ne uẹn, ọkpọkpa ghi gha re ọghe ọkpọkpa vbe uwu avbe ọkaolotu dọmwadẹ ẹwae, u ghi gbẹnnẹ eni dọmwadẹ ọghe ọe ye ọkpọ ẹre.

Nọmbas 7:10

Avbe ọkaolotu keghi vbe viọ emwi rre do ya titi ugie ne a na ya aka nii fi ohan. Iran ghi suẹn gha viọ avbe emwi ihaoko nii rrie aka,

Nọmbas 7:84

A ghi roro emwi ne avbe ọkaolotu viọ rre ne a ya do ugie a ya aka fi ohan, ọ kegha ye nian: Ọkpan ni dinmwi ọghe esiliva iwe iweva kevbe ọkpan ne wẹwẹrhẹ ọghe esiliva iweva ukhuamwẹ ehia kegha re uwan iyeha (60). Ọkpan igoru ni dinmwi iweva ne a ya eturari vuọn, ukhuamwẹ ọnrẹn kegha re uwan nekherhe evairre kigbesiyeha. Ẹkhuia ẹmila iweva, ogho iweva kevbe ivbi ohuan amwẹ ni he rre ukpo ọkpan ke ẹe kevbe izẹọhẹ ọka ni lelẹe khian, ne a ya zọ ese ne a giẹn uan: ewe iweva ọghe ese orukhọ ẹkhuia ẹmila enẹyanugie, ogho iyeha, ẹwe iyeha, ivbi ohuan ni he rre ukpo ọkpa, iyeha ọghe isara.

Matiu 23:19

Wa ma miẹn vbe ne uwa rhu aro hẹ. De ne ọ kpọlọ sẹẹ, emwi imuohan, ra Ogiukpo ne ọ ya emwi imuohan khian ni huanrẹn?