Nọmbas 6:9 - Edo Bible (E Baibol Ẹdo) Version 1996

⁹ “A deghẹ ọmwa wa wu vbe udomwurri vbe ehe ne agbihiagha ye ighẹ ọ mu awua ye ọre eto ne ọ ya fi ohan, ọ ghi ziengbe la ikpẹdẹ ihinrọn, ọ ghi khiokhio eto kevbe ẹtu, ẹghẹ nii, ọ ghi do gha re ne ẹi mwẹ awua.

Nọmbas 6:9 Iomraidhean Croise

Ezikiẹl 44:27

Iyekọni, ọ ghi la Ọgua ne ọ ke uwu ẹre vbe Ọgua Osa, ọ ghi ya zọ ese ihọnmwegbe ẹre, ne ọ miẹn ehe na dọlegbe gha yo itaemwi vbe Ọgua Osa. Mẹ ne Nọyaẹnmwa ne Udazi ọre ọ tae.

Levitikọs 14:8

Ọmwa nii ghi họ ukpọn rẹn, ọ ghi zẹ eto ẹre hia kua, ọ ghi ya khuẹ, ẹghẹ nii, ọ ghi do gha re ne ẹ i ghi mwẹ awua. Ọ sẹtin la uwu agọ sokpan, ọ ghi di owa ẹre ya ọ te sẹ ikpẹdẹ ihinrọn.

Levitikọs 14:9

Vbe ikpẹdẹ ne ogihinrọn, ọ ghi vbe dọlegbe zẹ eto, ẹtu, ifuẹn aro kevbe ehe ne eto ghi ye vbe egbe ẹre hia; ọ ghi họ ukpọn rẹn, ọ ghi khuẹ, ẹghẹ nii, ọ ghi do gha re ne ẹ i ghi mwẹ awua.

Nọmbas 6:18

Agbihiagha nii ghi khiokhio eto ẹre vbe onurho Owa Ukpọn Ile, ọ ghi ya hẹ ọre ku erhẹn ne a na giẹn emwi ne a ya si isara.

Nọmbas 6:8

Ẹghẹ ne ọ rhirhi ya gha re Agbihiagha, a ya ẹe fi ohan ne Nọyaẹnmwa.

Iwinna 18:18

Pọl keghi gu avbe etẹn tota vbe ikpẹdẹ ni bun, ọ keghi kpao vbe ehe ne iran ye, ọ keghi viọ Priskila kevbe Akuila ba egbe, iran keghi la okọ gha die Siria. Vbe iran te la okọ kpao vbe Sinkra, ọ keghi ye egbe ye ulamwẹ, ọ na khiokhio eto mu otọ.

Iwinna 21:27

Ọ ghi bu ẹghẹ ne ikpẹdẹ ihinrọn ni gha ya gba, avbe Ju eso ni ke otọe Esia rre keghi miẹn e Pọl vbe uwu Ọgua Osa, iran na kpe emwa nii ekpe ye ọre egbe, iran na mu e Pọl.

Diuteronomi 21:12

U ghi rhie ẹre gha rrie owa, u ghi wẹ ne ọ zẹ eto kevbe ne ọ biẹnnẹ ihiẹn obọ ẹre kevbe ne