Nọmbas 6:5 - Edo Bible (E Baibol Ẹdo) Version 1996

⁵ “Vbe ẹghẹ ne a na miẹn wẹẹ uwu eyan Agbihiagha ọ re ọ ye, wẹ ne ọ ghẹ gbe eto ra ne ọ zẹ ẹtu. Eyan Agbihiagha ne ọ ru nii ye muẹn la inu ẹghẹ ne a ya ẹe fi ohan ne Nọyaẹnmwa la, ọ ghi gie eto kevbe ẹtu ẹre gha sọn.

Nọmbas 6:5 Iomraidhean Croise

Ezikiẹl 44:20

“Ọ ma kei ne avbe ohẹn gha khiokhio eto mu otọ ra ne iran gie eto iran vbe kakabọ sọn. Te iran gha gbẹe ne ọ gha rre oreghe.

Nọmbas 6:4

Vbe uwu ẹghẹ ne ọ gha ya gha re Agbihiagha, ọ ghẹ danmwẹ emwikemwi ne ọ ke egbe erhan ayọn nọbaa rre, ọ re ikpẹ ra ikpakpa erhan ayọn nọbaa nọ.

Iwinna 18:18

Pọl keghi gu avbe etẹn tota vbe ikpẹdẹ ni bun, ọ keghi kpao vbe ehe ne iran ye, ọ keghi viọ Priskila kevbe Akuila ba egbe, iran keghi la okọ gha die Siria. Vbe iran te la okọ kpao vbe Sinkra, ọ keghi ye egbe ye ulamwẹ, ọ na khiokhio eto mu otọ.

Giọgis 13:5

Rhunmwuda te u ra hanmwa na, ne u biẹ ọmọ okpia. Ghẹ zẹ ọre eto rhunmwuda, ke ẹdẹ ne a biẹ ọe kpao, ta a ra wa ya ẹe fi ohan ne e Nọyaẹnmwa zẹ vbe e Agbihiagha. Rẹn gha suẹn gha winna ọghe ne a miẹn ivbi Izrẹl fan vbe obọ emwa Filistia.”

Giọgis 16:17

Vbe okiekie, ọ na ta ẹmwata nọ rrọọ ma rẹn, ọ wẹẹ, “A ma he zẹ eto mwẹ na ẹdẹ ke ẹghẹ ne a ya biẹ mwẹ gha dee, te a wa ya mwẹ fi ohan ne Osanobua zẹ vbe Agbihiagha. A gha zẹ mwẹ eto na, ẹtin mwẹ ghi fo, mẹ ghi gha ye mitan mitan vbe emwa ọvbehe.”

Giọgis 16:19

Ọ keghi mu e Samsin uhunmwu ye ekuawẹ bọ ẹre ye ovbe, ọ na tie okpia ọkpa rre, ne ọ do giagia ititi eto ihinrọn ọghe Samsin kua. Okhuo ni keghi hia ne ọ huẹn ọnrẹn sokpan, egbe fuẹe nẹ.

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”