Nọmbas 6:2 - Edo Bible (E Baibol Ẹdo) Version 1996

² ne ọ rhie igiodẹ na ma ivbi Izrẹl, “Ọ re okpia ra okhuo nọ ne ọ ru eyan ighẹ rẹn khian gha re agbihiagha, ọ na vbe ye egbe ẹre fi ohan ne Nọyaẹnmwa,

Nọmbas 6:2 Iomraidhean Croise

Ẹksọdọs 33:16

Vbe ne ẹmwata, de odẹ ne ọmwa gha ya rẹn wẹ ẹko ruẹ rhiẹnrhiẹn ghe emwa ruẹn kevbe imẹ. A deghẹ u lele ima gha khian mẹ kevbe emwa ruẹn ghi gha re emwa ni miẹn aro ne ọ maa sẹ emwa ọvbehe hia vbe agbọn na.”

Itan 18:1

Emwa ne ẹ i gu emwa ọvbehe ro, enegbe iran okpa ọ re iran rẹnrẹn; emwa hia gha rhe rẹn wẹ emwi ne ọ gbae nene emwi khin, iran ghi wẹ, ẹn o.

Jerimaia 35:6

Sokpan, iran keghi wanniẹn wẹẹ, “Ma i da ayọn. Erha ima odede ighe Jonadab ne ovbi e Rekab tama ima wẹ ke ima kevbe ivbi uniẹn ima, ne ọ gha da ayọn rhọkpa i rrọọ.

Levitikọs 20:26

Wa gha re emwa ni huanrẹn ni re ọghomwẹ ọkpa rhunmwuda, mẹ ne Osanobua ne ọ re Nọyaẹnmwa, te ime huanrẹn. Te I hannọ uwa hin uwu ẹvbo nekpa rre ne uwa do wa gha re ọghomwẹ.

Levitikọs 27:2

ne ọ viọ ne ivbi Izrẹl A deghẹ a ghi ya ọmwa fi ohan ne Nọyaẹnmwa nẹ, ne a miẹn ehe na mu eyan kpataki sẹ, ọmwa nii sẹtin rhan egbe ẹre vbe imu vbe ne ọ gha na hae avbe igho na.

Nọmbas 30:3

Uvbi ne ọ he rre owa erha ẹe gha ve emwi ne ọ wẹ rẹn gha rhie ne Nọyaẹnmwa ra ne ọ zobọ vbe emwi eso,

Nọmbas 6:1

E Nọyaẹnmwa keghi tama e Mosis,

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Iwinna 18:18

Pọl keghi gu avbe etẹn tota vbe ikpẹdẹ ni bun, ọ keghi kpao vbe ehe ne iran ye, ọ keghi viọ Priskila kevbe Akuila ba egbe, iran keghi la okọ gha die Siria. Vbe iran te la okọ kpao vbe Sinkra, ọ keghi ye egbe ye ulamwẹ, ọ na khiokhio eto mu otọ.

Ebe ne Pọl gbẹẹn gie emwa Rom 1:1

E Pọl ne Ọguọmwadia Kristi Jesu, kevbe ukọ Osa ne Osanobua tie re ne ọ gha kpe orhu Iyẹn Ne ọ maa ọghe irẹn, ọre ọ gbẹn ehe na rre.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Galatia 1:15

Sokpan vbe ekpa ẹsọhẹ ọre, uhin vbe a te biẹ mwẹ, Osanobua keghi tie mwẹ ne I do gha gae.

Hibru 7:27

Rẹn i yevbe avbe igie ohẹn nekpa, ẹ i vbe ka zọ ese ye orukhọ obọ ẹre nẹ ẹdẹgbegbe, zẹ vbe emwi ne ẹ i mwẹ a ma ru, ọ keghi do zọ ye ọghe emwa nekpa. Ọ zẹ ese nẹ uhukpa nii, ne emwa hia, vbe ẹghẹ ne ọ na ye egbe ẹre zọ ese.

Giọgis 13:14

Ọ ghẹ ye unu kan emwi kemwi ne ọ ke egbe erhan ne a ya ọmọ rẹn ru ayọn ne ọ baa rre, ọ ghe da ayọn ra ayọn ne ọ wegbe ra ne ọ rri evbare ne a wua. Ọ ghẹ mwẹ ọ ma ru emwi hia ne I tama rẹn.”

Giọgis 13:4

Gia miẹn i ghẹ u ma da ayọn rhọkpa ra ne u rri evbare ne a wua rhọkpa.

Giọgis 13:5

Rhunmwuda te u ra hanmwa na, ne u biẹ ọmọ okpia. Ghẹ zẹ ọre eto rhunmwuda, ke ẹdẹ ne a biẹ ọe kpao, ta a ra wa ya ẹe fi ohan ne e Nọyaẹnmwa zẹ vbe e Agbihiagha. Rẹn gha suẹn gha winna ọghe ne a miẹn ivbi Izrẹl fan vbe obọ emwa Filistia.”

Giọgis 16:17

Vbe okiekie, ọ na ta ẹmwata nọ rrọọ ma rẹn, ọ wẹẹ, “A ma he zẹ eto mwẹ na ẹdẹ ke ẹghẹ ne a ya biẹ mwẹ gha dee, te a wa ya mwẹ fi ohan ne Osanobua zẹ vbe Agbihiagha. A gha zẹ mwẹ eto na, ẹtin mwẹ ghi fo, mẹ ghi gha ye mitan mitan vbe emwa ọvbehe.”

I Samuẹl 1:28

Rhunmwuda ọnii, te imẹ ghi ra ya ẹe fi ohan ne Nọyaẹnmwa. Ẹghẹ ne ọ rhirhi ya vbe agbọn, ọ ghe Nọyaẹnmwa rẹn khian gha khin.” Ẹre iran na ga e Nọyaẹnmwa vbe evba.