Nọmbas 6:12 - Edo Bible (E Baibol Ẹdo) Version 1996

¹² Ọ ghi vbe dọlegbe ya ẹghẹ ọre fi ohan zẹ vbe Agbihiagha. A i ghi ka ẹghẹ ne ọ ka ruẹ la yọ rhunmwuda, awua la eto nọ te ka ya fi ohan. Ọ ghi mu ivbi ohuan ne ọ rre ukpo ọkpa rre do ya zọ ese ahaewerriegbe.

Nọmbas 6:12 Iomraidhean Croise

Ẹksọdọs 12:5

Ọkere ne ọ gha re aranmwẹ ne ọ ma bun obọ, a ma kuan ẹre egbe, ọwẹe ne ọ rre ukpo ọkpa, wa sẹtin mu ohuan ra ẹwe.

Ezikiẹl 18:24

“Sokpan, a deghẹ ọmwa esi dobọ emwi esi ne ọ ru yi, ọ na suẹn ya gha ru emwi osọnnọ dan ne avbe emwa dan ru, ọ gha miẹn uhunmwu ra? Hiehiere! A i ghi ye avbe emwi esi ne ọ te ka ru rhọkpa rre. Ọ gha wu ye a i ta ẹmwata kevbe orukhọ ẹre.

Levitikọs 14:24

Ohẹn ghi mu ovbi ohuan nii ke ẹe kevbe ofigbọn ọliv, o ghi ya zẹ ọhẹ kpataki gie Nọyaẹnmwa ne avbe ohẹn.

Levitikọs 5:6

Ọ ghi mu iye ohuan ra ẹwe gie Nọyaẹnmwa zẹ vbe oya ne a ghi rri ọre re ye orukhọ ne ọ ru. Ohẹn ghi ya zọ ese nẹẹn, ne ọ kpe orukhọ ọre kua.

Levitikọs 5:7

“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.

Nọmbas 6:11

Ohẹn ghi ya ọkpa zọ ese ye orukhọ, ọ ghi ye nọkpa zọ ese na giẹn uan, odẹ vberriọ ọ gha ru iruemwi akpehuan ne ẹẹn, rhunmwuda ne ọ na ya egbe kan orinmwi. Vbe ẹdẹ ọkpa nii, ọmwa nii ghi dọlegbe ya uhunmwu ẹnrẹn fi ohan.

Nọmbas 6:13

“Agbihiagha gha lo ẹghẹ eyan ne ọ yan rẹn fo nẹ, ọ ghi do ru avbe emwi na. Ọ ghi gha rrie onurho Owa Ukpon Ile.

Matiu 24:13

Sokpan ọmwa ne ọ da ẹe yi ya sẹ ufomwẹ, ọre a gha miẹn fan.

Matiu 3:15

Jesu keghi tama rẹn wẹẹ, “Gie a ruẹe vbenian, ne a miẹn ehe na ru vbene Osanobua gie.” E Jọn ma ghi vbe muan rẹn.

Jems 2:10

Rhunmwuda, ọmwa ne ọ rra ọkpa vbe uwu nene uhi, ọ rraa ehia fẹẹrẹ nẹ.

II Jọn 1:8

Wa ghi khẹ yegbe nian khekherriọ, ne uwa ghẹ ya mu emwi ne uwa winna yi nẹ fua, sokpan ne ere ne ọ rrọọ sẹ uwa obọ vbe ne ọ vuọẹn.