Nọmbas 5:8 - Edo Bible (E Baibol Ẹdo) Version 1996

⁸ Sokpan, a deghẹ ọmwa ni wu nẹ ighẹ ẹ i vbe mwẹ ọtẹn ne ọ sikẹ ọre ne a gha ha ose na, a ghi rhie ẹre gie Nọyaẹnmwa ne ọ gha re ọghe ohẹn. Osa ne ọ hare na ghi gha re ne ọ deba ogho ne a ya ru emwi izọ ese akpehuan naẹn.

Nọmbas 5:8 Iomraidhean Croise

II Ọba 12:16

Igho ne a hae ye ahaewerriegbe izẹọhẹ, kevbe izẹọhẹ ọghe orukhọ ne a ru, a ma viọ enii ye uwu ẹkpẹti, avbe ohẹn ọ re ọ yan eni.

Levitikọs 5:16

Ọ ghi do dọlegbe ha avbe emwi ne ọ te ke ya nii, ọ ghi vbe hae obọkpa vbe a gha emwi nii ye ihe ugie gbe ẹe. Ọ ghi mu gie ohẹn, ohẹn ghi ye aranmwẹ nii zọ ese ye orukhọ ọmwa nii, a ghi ya bọe.

Levitikọs 7:7

“Emwamwa ọkpa ọre ọ rre ẹmwẹ izẹọhẹ orukhọ kevbe izẹọhẹ a hae werriegbe, ohẹn ne ọ zọ ese nii ọre ọ yan emiowo nii.

Nọmbas 5:7

Ọ ghi miẹn orukhọ ẹre kue, ọ ghi vbe hae osa gba deba aghae ye ihe ugie ẹre ne ọmwa nii ne ọ ba emwi ku ru ghe.

Nọmbas 5:9

Erriọ vbe nọ, izẹ ọhẹ kpataki ne ivbi Izrẹl rhie gie Nọyaẹnmwa, ọ ghe ohẹn ne a viọ ẹre na nọ.