Nọmbas 4:6 - Edo Bible (E Baibol Ẹdo) Version 1996

⁶ Iran ghi mu ohian ne mose rhu ẹe, iran ghi mu ukpọn ne raghoragho rhuẹe ẹre odukhunmwu, wa ghi bannọ avbe ọkpọ ne a ya mu ẹẹn yọ.

Nọmbas 4:6 Iomraidhean Croise

Ẹksọdọs 25:10

“Ye erhan akesia ru ẹkpẹti ne ọ gha re akhuẹn obọ isẹnyan-iyeva vbe utanmwẹ, akhuẹn obọ ehairrọvbọgban vbe uvbẹmwẹ, kevbe ehairrọvbọgban uyomwẹ.

Ẹksọdọs 35:19

Ukpọn aghanghan ne ohẹn ya ru ugamwẹ vbe ehe ne ọ huanrẹn, avbe ukpọn ne ọ huanrẹn ọghe Errọn ne ohẹn kevbe avbe ivbi ẹre vbe ugamwẹ iran zẹ vbe ohẹn.”

Ẹksọdọs 39:1

Eto ohuan ne raghoragho kevbe ne ọ vboro rhan-an, kevbe ne ọ baa ọre a ya sele ẹwu ne mose mose ne avbe ohẹn lo vbe iran a gha ru emwi vbe uwu ehe ne ọ huanrẹn. Iran keghi se ẹwu iwinna ohẹn ne Errọn zẹ vbene Nọyaẹnmwa tama e Mosis.

Ẹksọdọs 39:41

Avbe ukpọn ughughan ne avbe ohẹn ya ru ugamwẹ vbe uwu ehe ne ọ huanrẹn. Ukpọn ne ogihinrọn ọghe Errọn ne ohẹn, kevbe ẹwu ne ivbi ẹre yọ vbe iran a gha ru ugamwẹ zẹ vbe ohẹn.

Nọmbas 4:14

A ghi do viọ emwi hia ne a ya ru ugamwẹ vbe aka yọ: ọkpan iwaẹnrhẹn, adẹn, ovbẹvbẹ kevbe avbe ọkpan, iran ghi do mu ohian ne mose rhu ẹe iran ghi baba ọkpọ ne a ya muẹn yọ.

Nọmbas 4:25

Owa Ukpọn Ile, emwi ne a ya gue ẹre vbe uwu ẹre, emwi ne a ya gue ẹre vbe odieke, ohian ne a ya gue ẹre odukhunmwu, ukpọn onurho ne ọ rre ehe ne a la larọ.

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.