Nọmbas 4:5 - Edo Bible (E Baibol Ẹdo) Version 1996

⁵ E Nọyaẹnmwa keghi ru igiodẹ na ma e Mosis wẹẹ, “Ọ gha sẹ ẹghẹ ne a ya si kpao vbe agọ rre, Errọn kevbe ivbi ẹre ghi la uwu Owa Ukpọn, iran ghi kie ukpọn onurho ne ọ rre odaro Ẹkpẹti Ile, iran ghi ya ẹe gue ẹkpẹti nii.

Nọmbas 4:5 Iomraidhean Croise

I Krọnikol 15:15

Avbe Livai keghi ya erhan dada ẹe vbe izabọ zẹ vbene Nọyaẹnmwa la unu e Mosis tae.

I Krọnikol 23:26

Rhunmwuda ọnii nian, a i ghi vbe wẹ ne avbe livai gha dada Ẹkpẹti Ile ne a ya rẹn ighẹ Nọyaẹnmwa rre evba, kevbe avbe emwi hia ne a lo vbe ugamwẹ.”

II Krọnikol 3:14

A keghi ya eto ovbiohuẹ deba emwi ọvbehe e eso do ukpọn onurho ọghe Ehe Ne ọ Huan Sẹe Ehia nii, a keghi ya ẹmu ne raghoragho, ododo, kevbe ne ọ baa muẹn, vbe ne a na vbe gbẹnnẹ ama ọghe avbe aranmwẹ ifuẹn nii lele.

Ẹksọdọs 36:35

Ọ keghi ya eto ohuan ne raghoragho, ne ọ vboro rhan-an kevbe ne ọ baa, ru ukpọn onurho ẹre deba eto ovbiohuẹ ne vbukhẹẹ ne a mẹ, ne a vbe ye ama avbe emwi ni zẹlẹ ifuẹn mu ona lele.

Ẹksọdọs 40:3

U ghi mu avbe uhanhan uhi igbe ye uwu ẹre ne u mu ukpọn onurho ye odaro ẹre.

Ẹksọdọs 40:5

Mu aka igoru ne a na giẹn eturari ye odaro ẹkpẹti ne avbe uhanhan uhi igbe ye ne u vbe de ukpọn onurho ye onurho Owa Ukpọn nii.

Aizaia 25:7

Vbe emwamwa, ọ gha wa mu okuku amẹ ọghe akhiẹ ne ọ te degue agbọn ẹvbo hia hin rre vbe udomwurri.

Levitikọs 16:2

Ọ keghi kha wẹẹ, “Tama Errọn ne ọtuẹn wẹ ẹghẹ ne ọ khẹ ke ọ re ọ gha ya gha fian ukpọn onurho gberra la uwu Ehe Nọhuansẹ hia, rhunmwuda evba nii ọre I na la uwu okuku rhiegbe ma vbe odukhunmwu ugue Ẹkpẹti Ile. Deghẹ ọ ma họn, a gha gbe ẹe rua.

Nọmbas 10:14

Ẹghẹ ne iran a rhirhi ya si okhian, iran ni rre ototọ asa ọghe oka ne Nasọn, ne ovbi Aminadab na re ọkaolotu, ọ re ọ ke odaro, otu otu ọre iran ya khian,

Nọmbas 4:15

Ọ gha sẹ ẹghẹ ne a ya si kpao vbe agọ, ivbi e Kohat ghi do viọ avbe emwi nihuanrẹn nii, iyeke vbe avbe ivbi ẹre a ghi ya emwi gue ehia kevbe emwi ne a lo ba iran fo nẹ. Wẹ ne ivbi e Kohat ghẹ ye obọ kan emwi nihuanrẹn ni ne iran ghẹ wulo. “Iwinna ne ọ kan ivbi e Kohat vbe ẹghẹ ne a rhirhi ya si vbe agọ ọre ena khin.

Nọmbas 4:4

Iwinna iran ke dekan emwi Nihuansẹ Ehia.

Nọmbas 7:9

Sokpan e Mosis ma viọ okotọ kevbe ẹkhuia ẹmila ne avbe Kohat rhunmwuda izabọ iran ya he avbe emwi nihuanrẹn ne a viọ ne iran gha gbe aro ghe.

Matiu 27:51

Ẹghẹ nii, ọre ukpọn ne a tan ya fian Ọgua Osa na wa sọ ye iheva ke odukhunmwu do sẹ otọ. Otọe keghi mu rueghe, okuta kegha valọ.

Diuteronomi 31:9

Ẹre Mosis na gbẹnnẹ avbe uhi Osanobua ye otọ, ọ na mu ne avbe ohẹn Livai ni siẹn ro Ẹkpẹti Ile ọghe Nọyaẹnmwa kevbe avbe ọkaolotu Izrẹl.

Hibru 10:20

Ọ kie odẹ ọgbọn ye uwu ukpọn ne a ya fiaẹn ni ne ima nẹ, odẹ ne ọ rrọọ, ọnii nọ wẹ vbe ekpa egbe ẹre.

Hibru 9:3

Vbe iyeke ukpọn ne a ya fian ẹn ne ogieva, ọre Ọgua nọkpa ye ne a tie ẹre Ehe Ne ọ Huan Sẹẹ Ehia.

I Samuẹl 6:19

E Nọyaẹnmwa keghi gbele ivbi Bẹt Siemẹs eso rhunmwuda iran kegha ghe uwu Ẹkpẹti Ile nii, ọ keghi gbele arhin ekigbe sẹ iyenẹ vbe uwu iran. Emwa nii keghi khiẹ, rhunmwuda ne eso na wulo vbe uwu iran.