Nọmbas 4:3 - Edo Bible (E Baibol Ẹdo) Version 1996

³ Ne ọ gbẹnnẹ eni avbe ikpia hia ke ukpo ọgban ya sẹ ekigbesiyeha, emwa ni kere ni gha winna vbe uwu Owa Ukpọn Ile.

Nọmbas 4:3 Iomraidhean Croise

Gẹnẹsis 41:46

Ukpo ọgban ọre Josẹf gha ye vbe ọ suẹn gha winna ne ọba Igipt. Ọ keghi kpao ya khian la otọe nii gaa.

II Samuẹl 5:4

Ọmọ ukpo ọgban ọre Devid gha khin vbe a ma ẹre ọba Izrẹl, ọ keghi ya ukpo iyeva vbe ẹkete.

I Krọnikol 6:48

Ivbi e Livai nekpa ọ re ọ ghi gha winna ni ghi dekẹe vbe owa ugamwẹ na.

II Krọnikol 31:17

Dọmwadẹ ẹwae ọ re a ya ghae iwinna ne avbe ohẹn, avbe Livai ni ghi sẹ ọmọ ukpo ugie nẹ, ra ne ọ wan sẹ ọnii, otu iwinna ne a gha iran yi, ọ re a ya rhie iwinna ne iran.

Ẹzra 3:8

Ẹre ọ ghi na sẹ uki ne ogieva ne iran sẹ ehe ne a bọ Ọgua Osa yi vbe Jerusalẹm, iran keghi suẹn iwinna. E Jerubabẹl, e Jọsua kevbe ivbi ẹvbo iran ni dekẹe, avbe ohẹn kevbe avbe Livai, vbe ẹmwata, ne a wa kha wẹ, emwa hia ni ke iwe gha die Jerusalẹm, ehia na ku obọ gbe vbe nene iwinna. Avbe Livai hia ni ghi sẹ ọmọ ukpugie gha rrie odukhunmwu nẹ, a keghi viọ iran ye iwinna ọghe ne a dọlọ Ọgua Osa ni bọ.

Nọmbas 1:3

Iran ni rre ukpo ugie kevbe ni vbe wan sẹ ọnii, avbe emwa hia ni gha sẹtin yo okuo.

Nọmbas 1:50

Ne u gha na te ru vberriọ, u ghi viọ avbe Livai ye ni gbe aro ghe Owa Ukpọn Ile kevbe avbe emwi ne a lo vbọ hia. Iran ọre ọ khian gha dadae ke ẹe kevbe emwi ne a lo vbọ, iran ghi gha ga vbọ, iran ghi vbe bọlọ agọ iran lẹga ẹre.

Nọmbas 16:9

Emwi kherhe wa tie ẹre re ra ne Osanobua Izrẹl na hannọ uwa ladian vbe uwu ẹbu emwa nekpa, ne uwa sẹtin gha sikẹ irẹn, ne uwa gha winna iwinna uwa vbe Owa Ukpọn Ile, ne uwa gha ga emwa nii hia?

Nọmbas 4:2

ne ọ ka ẹwae Kohat ni rre uwu avbe Livai uniẹn kevbe ẹgbẹe.

Nọmbas 4:23

Ne ọ vbe gbẹnnẹ eni ikpia ke ukpo ọgban ya sẹ ekigbesiyeha, iran ni kere ni gha winna vbe uwu Owa Ukpọn Ile.

Nọmbas 4:30

Kevbe ne ọ vbe gbẹnnẹ eni ikpia ni rre ukpo ọgban ya sẹ ekigbe siyeha ye ebe, iran ni kere ni gha winna vbe uwu Owa Ukpọn Ile.

Nọmbas 4:4

Iwinna iran ke dekan emwi Nihuansẹ Ehia.

Iyẹn ne ọ Maan Ọghe Luk 3:23

Ọmọ ukpo ọgban ọre Jesu gha ye vbe ọ suẹn iwinna. Zẹ vbene emwa te ro ighe ọ khin, rẹn keghi re ovbi e Josẹf ne ovbi e Heli.

I Timoti 1:18

E Timoti ne ovbi mwẹ, te I ka iyi na yuẹ obọ, zẹ vbe ẹmwẹ akhasẹ ne a guan ye otọ vbe ekpa ruẹ ẹghẹ nii. U ghi gie avbe ẹmwẹ nii, gha re emwi igbinna vbe obọ ruẹ, vbe u a gha gbinna igbinna esi nii khian.

I Timoti 3:1

Uhunmwu ẹmwẹ ọre ẹmwẹ na khin: A deghẹ ọmwa ho ne ọ gha re ọkaolotu esọsi, iwinna esiesi ọre ọ ho.

I Timoti 3:6

Ọ ma kei ne ọ gha re ọmwa ne ọ da yayi, ne a ghẹ miẹn ighẹ te ọ ghi tọn egbe mu, a ghi ya bu abe gbe ẹe zẹ vbene ọghe Esu gha ye.