Nọmbas 4:16 - Edo Bible (E Baibol Ẹdo) Version 1996

¹⁶ Eliaza ne ovbi Errọn ne ohẹn ọ re ọ gha gbearoghe Owa Ukpọn hia kev be ofigbọn ne a sa ye ukpa, eturari, izẹọhẹ avbe ọka, ofigbọn ne a nọnọ ye uhunmwu kevbe emwi ọvbehe hia ne a ghi ya fiohan ne Nọyaẹnmwa ne vbe uwu Owa Ukpọn.”

Nọmbas 4:16 Iomraidhean Croise

Ẹksọdọs 25:6

Ofigbọn ne a sa ye ukpa, emwi nii winhin ne a gha ya gua ofigbọn ne a nọnọ ye emwa uhunmwu kevbe eturari ne ọ winhin ẹsẹse.

Ẹksọdọs 30:22

E Nọyaẹnmwa keghi tama e Mosis wẹẹ,

Ẹksọdọs 31:11

Ofigbọn ne a nọnọ ye emwa uhunmwu kevbe eturari ne ọ winhin ọghe esi nii ne a viọ ye ehe ne ọ huanrẹn. Iran gha ru avbe emwi na hia, vbene 1 tama ruẹn zẹe ọre iran ru ẹe.

Ẹksọdọs 37:29

Ọ keghi vbe ru ori ne ọ huanrẹn ne a nọnọ ye emwa uhunmwu kevbe eturari ne a ma gua nọ winhin, emwi ne a gua re zẹ vbe ne iran ni ru ori ne ọ winhin gha gua ẹre zẹẹ.

Levitikọs 24:1

E Nọyaẹnmwa keghi tama e Mosis.

Levitikọs 24:2

Ne ọ tama ivbi Izrẹl ne iran viọ ofigbọn ọliv ne a ma gua ne ọ wa maa sẹ ne ọ gha re ọghe ukpa ne ọ rre Owa Ukpon Ile. Ne a miẹn ehe na gie ukpa gha baa vbe ne ẹ i na dọyọ.

Levitikọs 6:20

“Vbene a gha ya gha ma ohẹn Errọn hẹ. Vbe ẹdẹ ne a gha ma ẹre ohẹn nii ọ ghi mu uwan ọkpa ọghe irhuarhua ya zẹ ọhẹ gie Nọyaẹnmwa (zẹ vbene izọhẹ ọka ọghe ẹdẹgbegbe vbe bun sẹ) ukhiọnmwẹ vbe owiẹ, ukhiọnmwẹ vbe ota.

Nọmbas 3:32

Ọkaolotu avbe Livai kegha re Eliaza ne ovbi Errọn ne ohẹn, rẹn ọre ọ gha gbe aro ghe iran ni winna vbe uwu Ehe Ne ọ huanrẹn.

Nọmbas 4:17

E Nọyaẹnmwa keghi tama e Mosis kevbe Errọn wẹẹ,

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

I Kọrinti 4:1

Wa ghi gha ghe ima zẹ vbe eguọmwadia Kristi ne a viọ ẹmwata ne ọ rre oro Osanobua nẹẹn hẹmwẹ.

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.

I Pita 5:2

Wa gha re Ọsuohuan avbe oghẹn ohuan ne Osanobua viọ ne uwa, wa gha ye aho ne ọ ke uwu ekhọe rre gbe aro ghe iran, vbene Osanobua ho ne uwa gha ru ẹe, ẹ i re ne a gbe omaro omaro ru. U ghi gha winna iwinna ruẹn, ẹ i re rhunmwuda ne a miẹn ehe na ha ruẹ osa kẹkan, sokpan aho ne a winna ne ọ ke ekhọe rre.