Nọmbas 4:12 - Edo Bible (E Baibol Ẹdo) Version 1996

¹² Iran ghi viọ ọkpan ne a lo vbe uwu Ehe Ne ọ huanrẹn, a ghi ya ukpọn ne raghoragho gue ẹre, a ghi mu ohian ne mose rhu ẹe, a ghi mu ẹẹn yan edọnmwẹ ne a ya mu ẹẹn.

Nọmbas 4:12 Iomraidhean Croise

I Krọnikol 9:28

Avbe Livai nekpa ọre ọ gbearoghe avbe ọkpan ne a ya ru ugamwẹ vbo Ọgua Osa. Iran ọre ọ viọ iran ladian, iran ọ vbe viọ iran la owa vbe ẹghẹikẹghẹ ne a ya lo iran.

I Krọnikol 9:29

Iran nekpa kegha gbearoghe avbe emwi iruemwi ni huanrẹn ni dekẹe kevbe irhuarhua, ayọn ofigbọn ọliv, avbe eturari kevbe emwi ni ghi winhin hia.

II Krọnikol 4:11

E Huram keghi vbe ru avbe akhe, ovbẹvbẹ kevbe ọkpan. Emwi hia ne ọ wa tama e Solomọn ighẹ rẹn gha ru ye uwu Ọgua Osa, ọ keghi wa ru ehia gba: Orrẹ ne eva Ehe ne ọ mwẹ imi vbe uhunmwu avbe orrẹ ni ne ọ ye vbe ọkpan Avbe ọgiọrọ ne a do ẹre ọrhiowẹlowẹ ya mu ona ye avbe orre ọkpọkpa, ikpẹrọnmwọ oze arriaeva ne a mwamwa ẹre uviẹn eva ya mu ona ye ẹzi orrẹ nii Avbe okotọ igbe Avbe igarawa igbe Ẹgbẹdin nii Avbe ẹkhuia ẹmila iweva ne a mu ẹgbẹdin nii yan Avbe akhe, ovbẹvbẹ kevbe ekuiyẹ, oyiya E Huram ne ọkaoiwinna keghi ya oze ne a kpe ru avbe emwi na hia zẹ vbene Solomọn ne ọba tama rẹn, ne a miẹn gha lo vbe Ọgua Osa e Nọyaẹnmwa.

II Krọnikol 4:19

E Solomọn ne ọba na vbe wẹ ne a ya igoru ru avbe emwi ne a ya te Ọgua Osa, Ogiukpo kevbe eteburu ne a viọ ebrẹd ne a ya yo imuohan gie Osa ye.

II Krọnikol 4:22

emwi ne a ya dọ ukpa yọ, avbe ọkpan ne a viọ eturari yi, kevbe avbe ọkpan ne wẹwẹrhẹ ne a ya wan erhẹn. Igoru ne a ma gua ọ re a ya ru avbe emwi na hia. avbe ẹkhu ore ni rre Ọgua Osa kevbe avbe ẹkhu ni rre Ehe Ne ọ Huan Sẹe Ehia, igoru ọ re a ya rhu ehia.

Ẹksọdọs 25:5

Ohian ogho, ne a ya ẹmu ne o baa mu, ohian ẹmila ne vbukhẹẹ, ẹkpo umẹ.

Ẹksọdọs 25:9

U ghi ru ehe ne a dia na kevbe emwi ne a ya te ẹre zẹ vbene I gie ẹre ma ruẹn.

Ẹksọdọs 31:10

Avbe ukpọn aghanghan nihuanrẹn nii ne Errọn ne ohẹn kevbe ivbi ẹre gha lo vbe ugamwẹ iran.”

Nọmbas 3:8

Iran ghi gha gbe aro ghe emwi ne a lo vbe uwu Owa Ukpọn hia, iran ghi vbe gha winna ne ivbi Izrẹl ni dekẹe.

Nọmbas 4:11

“Vbe iyekọni, iran ghi wa ukpọn ne raghoragho yan aka igoru, iran ghi mu ohian ne mose ya gue ẹre, a ghi vbe baba ọkpọ ne a ya mu ẹẹn yọ.

Nọmbas 4:13

“Iran ghi kpolo emuẹn ne lọkọlọkọ nii hin aka rre, a ghi mu ukpọn ododo rhu ẹe.

Nọmbas 4:6

Iran ghi mu ohian ne mose rhu ẹe, iran ghi mu ukpọn ne raghoragho rhuẹe ẹre odukhunmwu, wa ghi bannọ avbe ọkpọ ne a ya mu ẹẹn yọ.

Nọmbas 4:7

“Iran ghi mu ukpọn ne raghoragho rhu eteburu ọghe ebrẹd ne a ya zẹ ọhẹ gie Nọyaẹnmwa a ghi viọ avbe ọkpan yan rẹn, kevbe ọkpan ọghe eturari, avbe ọkpan izẹhẹ kevbe esago ayọn ne a ya zẹ ọhẹ.

Nọmbas 4:9

“Iran ghi rhie ukpọn ne raghoragho rhu erhan ọmukpa ke ẹe kevbe avbe ukpa ni rrọọ, kevbe awan, kevbe ekpamaku ne a ya wan erhẹn mu ofigbọn oliv yi.