Nọmbas 32:3 - Edo Bible (E Baibol Ẹdo) Version 1996

^3-4 “Otọe ne Nọyaẹnmwa mu ne ivbi Izrẹl ne iran yin ẹnrẹn, ighẹ avbe ẹvbo Atarọt, Dibọn, Jazẹ, Nimra, Hesbọn, Elielẹ, Seban, Nebo kevbe Biọn, otọe ne ọ maa ẹmila wa nọ, ma keghi vbe mwẹ ẹmila ni bun.

Nọmbas 32:3 Iomraidhean Croise

Nehimaia 9:22

“U rhie ẹtin ne iran yan avbe otọ kevbe arriọba, avbe otọ ne iran gba mwa uwu iran khọn mu otọe e Hesbọn, ehe ne Saihọn na khaemwisẹ kevbe otọ Basian. Ehe ne Ọg na re ọba.

Aizaia 15:6

Ẹzẹ e Nimrim kae irunmwu ni rre ọkpẹn ọnrẹn luẹluẹe, emwi ne ọ mwẹ ebe nekhui i ghi rrọ.

Jerimaia 48:1

Ẹmwẹ ne Nọyaẹnmwa ne Oghodua tae vbekpa Moab ọ re ọna khin: “Wa tohan ivbi e Nebo, a dunmwu ẹvbo iran an nẹ! A khọn mu e kirriatam, a guọghọ odin nọkhua ne ọ lẹga ẹre sotọ, a keghi vbe fa emwa ni rrọ ua.

Jerimaia 48:2

Ose e Moab fo vbotọ, eghian khọn mu e Hesbọn nẹ, iran vbe kun vbene iran gha ya fuẹn e Moab ua hẹ nẹ. A gha rhie obọ gue ẹvbo avbe Ọmwẹmwẹ unu. ivbiyokuo gha mu okuo gha khian.

Jerimaia 48:32

I gha viẹ ivbi e Sibma, sẹẹ ivbi Jaza. Orẹ nọkhua e Sibma, te u yevbe azara ne abọ ẹre niẹn fian Okun Nọbaa rraa, rhinrin ya sẹ Jaza. Sokpan, banbanna nian, a fuẹn ọnrẹn uan ighe ọmọ ne u mọ vbe ẹghẹ uyunmwu deba alimo ruẹ hia.

Jerimaia 48:34

“Ivbi e Hesbọn kevbe Elialẹ tu ladian, a vbe họn urhu utumwẹ iran ya sẹ Jahaz. Emwa ni rre Zoa vbe họn ẹẹn. Avbe họn ẹẹn vbe odẹ Horonaim kevbe Eglat Siẹlisiya. Uhin ighe Ẹzẹ Nimrim tobọẹre kae sẹ otọ.

Jerimaia 48:45

Iran ni lẹ hin ẹvbo iran rre, ne ẹtin vbe fo nẹ, gha te gha ho ne a miẹn iran yi vbe Hesbọn, ẹvbo nii ne ọba e Saihọn gha khaemwisẹ yan ẹghẹ ọkpa, sokpan, erhẹn wa to vbọ nian. Erhẹn giẹn ehe ne a ka sẹ vbọ kevbe avbe oke ni yo ọghe avbe ivbi e Moab ne okuo ye.

Ezikiẹl 25:9

I gha ru ẹe ne emwa mu okuo gha rrie avbe ẹvbo ni gbinna ne Moab vbe ehe ne otọ ẹvbo iran lae, ya sẹ egbe avbe ẹvbo ni mose sẹ avbe Bẹt-Jesimot e Bal-Miọn kevbe kirriatam.

Nọmbas 21:28

Vbe ẹghẹ ọkpa yi, ivbiyokuo Saihọn keghi ke Hisbọn kpao zẹ vbe erhẹn ọ keghi dunmwu Ar ne ọ rre Moab rẹnkhẹnrẹnkhẹn ọ keghi mi oke ne ọ ke odọ vbe Anọn re.

Nọmbas 21:30

Sokpan, banbanna nian, a fuẹn ivbi uniẹn iran an kevbe Hesbọn wa gha dee do se Dibọn kevbe Nasim ya sẹ Mofa vbe ọkpẹn Madeba.”

Nọmbas 21:32

E Mosis keghi gie emwa ne iran ya ghe vbene iran gha ya gu ẹvbo Jazẹ gbinna hẹ. Ivbi Izrẹl keghi khọn rẹn mu otọ ke ẹe kevbe ẹvbo ni lẹga ẹre. Iran keghi khulo emwa Amọri ni rre evba kua.

Nọmbas 32:1

Ẹwae ọghe Riubẹn kevbe Gad keghi wa gha mwẹ ẹmila ni bun ẹsẹse. Ugbẹn vbe iran ghi miẹn vbene otọe Jazẹ kevbe Giliad maa ne avbe ẹmila hẹ,

Nọmbas 32:2

iran keghi bu e Mosis, Eliaza kevbe avbe ekaolotu nekpa ọghe avbe emwa nii, iran tama iran wẹẹ,

Jọsua 13:17

E Hesbọn vbe rrọọ kevbe avbe ẹvbo hia ni rre otọe ne ọ rriẹe nii, avbe Dibọn, Bamot, Baal, Bẹt Baalmiọn.

Jọsua 13:19

E kirriatam, Sibma, e Zeresiaha ne ọ rre oke ne ọ rre uwu iya.

Jọsua 21:39

Hesbọn kevbe Jezẹ deba avbe otọe erria ni rrọọ, ehia kegha re okpẹvbo enẹ.

Giọgis 11:26

Ukpo iyisẹn yan uri (300) ọ re Izrẹl kegha rre Hesbọn kevbe Aroa kevbe ẹvbo ni lẹga iran do deba ẹvbo hia ni rre eghute Ẹzẹ Anọn. Vbọzẹ ne u na ma mu ẹẹn werriegbe ke ẹghẹ nii gha dee?