Nọmbas 32:12 - Edo Bible (E Baibol Ẹdo) Version 1996

¹² Emwa hia ọre ọ na wa kan sokpan Kelẹb ne ovbi e Jefunẹ ne ọmwa Keni kevbe Jọsua ne ovbi e Nọn rhunmwuda, iran nii wa guobọ Nọyaẹnmwa.

Nọmbas 32:12 Iomraidhean Croise

Psalm 63:8

I sikan mu uwẹ obọ ruẹ keghi rhie mwẹ lẹre vbe a i mwẹ ẹbe.

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Nọmbas 14:24

Sokpan, vbene a na miẹn wẹ Kelẹb ọguọmwadia mwẹ ighẹ uyimwẹ ọghọe lughaẹn, ọ keghi mudia ke mwẹ gbain, I gha rhie ẹre sẹ otọe ne irẹn ya ghe, otọe nii gha khian ọghe ivbi ẹre.

Nọmbas 14:30

I te yan wẹ I gha gie uwa yin otọe ni, sokpan, nian ọkpa vbe uwu uwa ne ọ gha yin ẹnrẹn ẹ ghi rrọọ gberra Kelẹb kevbe Jọsua.

Nọmbas 26:65

E Nọyaẹnmwa tae nẹ wẹ te iran hia ra wulo ye otọ ẹgbo erriọ ọ gele gha ye, sokpan ama wẹ Kelẹb ne ovbi Jefunẹ kevbe Jọsua ne ovbi Nọn.

Diuteronomi 1:36

E Kelẹb ne ovbi e Jefunẹ ọkpa ọ re ọ gha larọ. Rẹn wa gu obọ mwẹ, otọe ne irẹn ya ghe ghe, I gha mu ẹẹn ne irẹn kevbe avbe ivbi ẹre.’

Jọsua 15:17

Otniẹl ne ọtẹn Kelẹb ne ovbe re ovbi e Keniz keghi khọn ẹvbo nii. E Kelẹb keghi rhie Aksa ne ovbi ẹre ne okhuo ne ẹẹn rhie rọnmwẹ.