Nọmbas 32:1 - Edo Bible (E Baibol Ẹdo) Version 1996

¹ Ẹwae ọghe Riubẹn kevbe Gad keghi wa gha mwẹ ẹmila ni bun ẹsẹse. Ugbẹn vbe iran ghi miẹn vbene otọe Jazẹ kevbe Giliad maa ne avbe ẹmila hẹ,

Nọmbas 32:1 Iomraidhean Croise

Gẹnẹsis 13:2

Ebram kegha re ọmwa ne ọ fe ne ọ mwẹ ohuan, ẹwe kevbe ẹmila deba igoru kevbe esiliva.

Gẹnẹsis 13:5

E Lọt ne ọ lelẹe kevbe gha mwẹ ohuan, ẹwe, ẹmila kẹe kevbe ẹgbẹe ọre kevbe eguọmwadia ẹre.

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 47:4

Te ima do yin ẹvbo na, rhunmwuda vbe otọ Kenan, ukhunmwu fi sẹrriọ wẹ, avbe emwirri i ghi miẹn irunmwu re. Lahọ, ne ima yin odẹ Gosiẹn.”

II Samuẹl 24:5

Iran keghi fian e Jọdan rra, iran na bu agọ ye odẹ ekẹn Aroa, ne ẹvbo ne ọ rre iya vbe otọ e Gad. Evba iran keghi kpao gha rrie odẹ okuọ vbe Jeza,

II Samuẹl 24:6

yasẹ Giliad kevbe Kedẹs vbe otọ Hiti. Iran na vbe gha rrie Dan, iran na ke Dan mu aro da odẹ orrie yasẹ Saidọn.

I Krọnikol 4:41

Avbe emwa ne a guan kan na keghi si kpao gha rrie Gẹrra vbe ẹghẹ ọba Hẹzekaia, iran keghi dunmwu avbe owa ukpọn kevbe ivbi owa emwa ni te rre ẹvbo nii uan. Iran keghi khulo emwa ni te rre ẹvbo nii kua iran na wa yin ẹnrẹn rhunmwuda evbare ohuan iran wa rre evba ẹsẹse.

Ẹksọdọs 12:38

Emwa nibun ọvbehe deba ohuan nibun, ẹwe kevbe ẹmila kevbe lele iran.

Jerimaia 22:6

Te ẹguae ọba e Juda ye mose mose vbe aro mwẹ, zẹ vbene iran ye ighe otọe Giliad kevbe avbe Oke Lebanọn, sokpan, I gha ya ẹe khian otọe ne ọ dihoi rua, ehe ne ọmwarhọkpa i ye.

Jerimaia 48:32

I gha viẹ ivbi e Sibma, sẹẹ ivbi Jaza. Orẹ nọkhua e Sibma, te u yevbe azara ne abọ ẹre niẹn fian Okun Nọbaa rraa, rhinrin ya sẹ Jaza. Sokpan, banbanna nian, a fuẹn ọnrẹn uan ighe ọmọ ne u mọ vbe ẹghẹ uyunmwu deba alimo ruẹ hia.

Jerimaia 50:19

“I gha viọ ivbi Izrẹl dọlegbe gha die otọ iran. Iran gha re vbe emwiokọ ne ọ zọ vbe Oke Kamẹl, kevbe otọe Basian, iran ghi vbe rri enọrhirhi khọn iran vbe emwiokọ ne a miẹn vbe otọe Ifreim kevbe Giliad.

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Maika 7:14

Nọyaẹnmwa, gha re ne ọ su ohuan avbe emwa ruẹn, emwa ne u hannọ zẹ. A gha rhe miẹn wẹ iran ọkpa ọ ya yin fua vbe otọ ẹgbo, otọe ne ọ maa emwiokọ lẹga iran. Gie iran ya gha koko egbe iran vbe ehe ne oha ne aranmwẹ na rri evbare ne ọ mobọ maa nii, vbe Basian kevbe Giliad, zẹ vbene iran gha ru vbe ẹghẹ ne ọ kpee fua.

Nọmbas 21:32

E Mosis keghi gie emwa ne iran ya ghe vbene iran gha ya gu ẹvbo Jazẹ gbinna hẹ. Ivbi Izrẹl keghi khọn rẹn mu otọ ke ẹe kevbe ẹvbo ni lẹga ẹre. Iran keghi khulo emwa Amọri ni rre evba kua.

Nọmbas 32:2

iran keghi bu e Mosis, Eliaza kevbe avbe ekaolotu nekpa ọghe avbe emwa nii, iran tama iran wẹẹ,

Nọmbas 32:26

Avbe amwẹ ima kevbe ivbi ima, kevbe ẹmila kevbe ohuan gha mudia vbe avbe ẹvbo Giliad.

Nọmbas 32:3

“Otọe ne Nọyaẹnmwa mu ne ivbi Izrẹl ne iran yin ẹnrẹn, ighẹ avbe ẹvbo Atarọt, Dibọn, Jazẹ, Nimra, Hesbọn, Elielẹ, Seban, Nebo kevbe Biọn, otọe ne ọ maa ẹmila wa nọ, ma keghi vbe mwẹ ẹmila ni bun.

Nọmbas 32:35

Ata rọt, Aroẹ, Atrọt, Siofan, Jasa Jogbeha.

Diuteronomi 33:21

Iran keghi mu ehe ne ọ maa sẹẹ vbe otọe nii ne egbe iran, a na ghae oghae ọkaolotu ne iran. Iran ya uhi kevbe ilele Osanobua ru emwi vbe avbe ọkaolotu Izrẹl si koko.”

Jọsua 13:25

Otọe iran keghi re Jaza kevbe okpẹvbo ni rre Giliad hia, obọkpa vbe otọe emwa Amọn ya sẹ Aroẹ ne ọ rre odẹ ahọ ọghe Raba.

Jọsua 22:13

Ẹre ivbi Izrẹl na gie Finihaz ne ovbi Eliaza ne ohẹn bu ẹwae Riubẹn, e Gad, odẹ ahọ vbe ẹwae Manasẹ vbe otọe Giliad.

Jọsua 22:9

Ọ re emwa ni rre ẹwae e Riubẹn, Gad, kevbe odẹ ahọ vbe ẹwae Manasẹ na werriegbe gha rrie owa, iran keghi sẹ ivbi Izrẹl ni dekẹe rae vbe Siailo vbe otọe Kenan, iran na gha rrie otọe Giliad ne ọ re otọe iran, ne iran ya ehia khian ọghe iran zẹ vbene Nọyaẹnmwa la unu e Mosis tama iran.

I Jọn 2:16

Emwi hia ni re ọghe agbọn na, emwi ne ọ yẹ egbe orukhọ na, emwi ne emwa ne agbọn bẹghe ne ọ vbe ya ghan, ọkpa ne ọ ke ehe ne Evbavba ye rre, ẹ i rrọọ, agbọn na ọre ehia ke rre.

Giọgis 5:16

vbọzẹ ne iran na tota ke avbe ohuan vbe owa yi? Ne iran gha na danmwẹ ehọ vbene ọsuohuan tie oghẹn ohuan? Emwata nọ, iwanegbe lao ẹwae Riubẹn, iran ma sẹtin ta ẹe ne iran gha dee.