Nọmbas 30:7 - Edo Bible (E Baibol Ẹdo) Version 1996

⁷ te ọ gha ha emwi hia ne ọ ve, ra ne ọ ru emwi hia ne ọ yan rẹn, sokpan amawẹ te ọdọ ẹre wẹ hẹn vbe ẹghẹ vbe ọ họn ẹẹn.

Nọmbas 30:7 Iomraidhean Croise

Gẹnẹsis 3:16

Rẹn keghi vbe tama okhuo nii wẹẹ, “I gha rhie ba ọlọghọmwa ruẹn vbe u a gha hanmwa, ke obalọ ruẹ vbe ẹghẹ ubiẹmwẹ. Sevba, te u gha ye gha rhikhan lele ọdafọn, ọdafọn ọre ọ gha kha yan ruẹn.”

Jerimaia 44:19

Avbe ikhuo ni keghi vbe rhie te ẹe wẹẹ, “Ẹghẹ ne ima na gha fian eka ne a mannọẹn khọ Ọba okhuo ne Ẹrinmwi, a na vbe zọ ese ghe ẹre, ẹko avbe ọdafẹn ima rhiẹnrhiẹn ye emwi ne ima gha ru.”

Nọmbas 30:6

A deghẹ okhuo ne ọ ma rọnmwẹ ọdọ ve emwi, ọ re te ọ yan ru ẹe ra ọ ma rẹn vbe ọ ru ẹe, ra te ọ yan rẹn wẹ rẹn gha zobọ vbe emwi eso, ọ na ghi ya rọnmwẹ ọdọ,

Nọmbas 30:8

Sokpan adeghẹ ọdọ ẹre wẹ rẹn i kue yọ vbe ẹghẹ vbe ọ họn ẹẹn, wẹ ne ọ ghẹ ru ẹe, a i ghi vbe wẹ ne ọ ru ẹe. E Nọyaẹnmwa gha ya bọe.

Ebe ne Pọl gbẹẹn gie emwa Rom 7:2

Vbe igiemwi, okhuo ne ọ rọnmwẹ ọdọ nẹ, uhi de ẹre ginna ọdọ ẹre vbe okpia ni a gha rre agbọn, sokpan a deghẹ okpia ni wu, ẹghẹ ni, a rhan okhuo nii hin obọ uhi ne ọ te dẹ ẹre ginna ọdọ ẹre rre.

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”

I Samuẹl 1:23

Ẹlkana keghi tama rẹn wẹẹ, “Ru ẹe vbene ọ ke yi sẹẹ vbe aro ruẹ, tota ye owa u te do fian ọmọ nii ewẹn. Osanobua ne ọ gie eyan ne u yan rẹn sẹ.” Rhunmwuda ọnii, e Hanna keghi tota vbe owa, ọ na gha koko ovbi ẹre.