Nọmbas 30:2 - Edo Bible (E Baibol Ẹdo) Version 1996

² Ọmwa gha ve emwi wẹ rẹn gha rhie emwi ne Nọyaẹnmwa, ra te ọ vẹn ihẹn wẹ rẹn gha zobọ vbe emwi eso, ọ ghẹ rhie obọ gberra eyan ne ọ yan rẹn nii, sokpan ọ ghi ru emwi hia vbene ọ kha re wẹ rẹn ra gha ru.

Nọmbas 30:2 Iomraidhean Croise

Job 22:27

U gha na erhunmwu, ọ ghi họn we ghi vbe gha ha emwi ne u ve.

Psalm 116:14

I gha hae ẹre emwi ne I ve ẹre re vbe ehe ne emwa rẹn hia gbe ẹbu yi.

Psalm 116:18

Vbe ehe ne emwa ruẹn hia gbe ẹbu yi, vbe ehe ne ọ huanrẹn ọghe Ọgua Osa ruẹ vbe Jerusalẹm I gha ha emwi ne I ve ne uẹn. Wa rho e Nọyaẹnmwa!

Psalm 119:106

I gha mu eyan mwẹ sẹ wẹ, I gha lele igiodẹ ruẹ ọghe ẹmwata hia.

Psalm 15:3

ọmwa ne ẹi zan emwa ọvbehe. Ọmwa ne ẹi fidọn ghe avbe esiọre, ne ẹi vbe ta ewẹwẹwẹ ye emwa ẹdogbo ẹre egbe.

Psalm 22:25

I gha rho ruẹ ye emwi ne u ru, vbe adesẹ iko ne ọ gbae, vbe sirra iran hia ni ga a, I gha zọ ese emwi ne I ve.

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Psalm 55:20

Ọmwa ne ima gba mu obọ nẹdẹ gu avbe esiọre gbinna ọ ma mu eyan irẹn sẹ.

Psalm 56:12

Osanobua mẹ gha ha emwi ne imẹ ve ne uẹn mẹ gha viọ emwi imuohan ọghe ekpọnmwẹ mwẹ nuẹn.

Psalm 76:11

Ha emwi ne u ve, ne Nọyaẹnmwa Osanobua ruẹ; wa ye imuohan gie ẹe wa ne agbọn ẹvbo ni sikẹ edinran.

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Itan 20:25

Roro ẹe ẹsẹse u ke yan wẹ u gha ya emwi ha oko gie Osanobua. U sẹtin gbe I ma rẹn vbe okiekie.

Levitikọs 5:4

“A deghẹ ọmwa la ekpa a i gbe aro ke otọ vẹn ihẹn oguegue, ọ rri abe vbe ọwarọkpa ne ọ ya rẹn emwi ne irẹn ru.

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Nọmbas 21:2

Ẹre ivbi Izrẹl na do yan emwi ne Nọyaẹnmwa wẹẹ, “U gha gie ima khọn iran na miẹn otọ, ma gha ya iran kevbe ẹvbo iran fi ohan nuẹn, ma ghi fuẹn iran uan.”

Nọmbas 30:10

Okhuo ne ọ rre owa ọdọ gha ve emwi ra te ọ wẹ rẹn gha zobọ vbe emwi eso,

Nọmbas 32:24

Rhunmwuda ọnii nian, wa bọlọ ẹvbo uwa ke ogba ne avbe ohuan uwa, sokpan, wa ghi mu eyan uwa sẹ!”

Matiu 23:16

“U miẹn agbọn ne uwa ye arọndẹ ni rhu aro, wa khare wẹẹ, ‘Ọmwa gha ye Ọgua Osa vẹn ihẹn, emwi rhọkpa i rrọ ẹre urhu sokpan deghẹ ọ ye igoru ne ọ rre Ọgua Osa vẹn ihẹn, emwi rre ọre urhu.’

Matiu 23:18

Wa vbe kha wẹẹ, ‘A gha ya Ogiukpo vẹn ihẹn, ẹ i mwẹ esa, sokpan, a gha ya emwi imuohan ni rre Ogiukpo vẹn ihẹn, emwi rre ọmwa ni urhu.’

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Iwinna 23:14

Iran keghi bu avbe igie ohẹn gha khian, iran tama iran wẹẹ, “Ma vẹn ihẹn ne ọ wo vbe egbe wẹ ma i ra ye evbare kan unu, ma te gbe Pọl rua.

Iwinna 23:21

Sokpan ghẹ zẹ ye iran ẹre rhunmwuda ọ yan arhin iyeva ni lẹre khẹ ọre vbe odẹ. Iran hia vẹn ihẹn nẹ wẹ iran i ra re, iran i ra da rhinrin iran te do gbe ẹe rua. Iran wa mu egbe ne iran gha ya ru vberriọ nian, vbe ne uwẹ kha hẹ ọre iran ghi mudia khẹ.”

II Kọrinti 1:23

Osanobua ọre I rhie ye osẹe mwẹ, ọ rẹn vbene ekhọe mwẹ ye hẹ, Ne a ghẹ miẹn ehe na rri uwa oya, ọre ọ zẹe ne I ma na ghi rrie Kọrinti.

Giọgis 11:11

Ẹre Jẹfta ghi na lele avbe ọkaolotu nii gha rre Giliad, iran ke ya ẹe ru ne ọ khaemwisẹ kevbe olotu iran. E Jẹfta keghi hẹnhẹn unu emwi hia vbe Mizpa, vbe odaro e Nọyaẹnmwa.

Giọgis 11:39

Uki eva ghi gba nẹ, rẹn keghi dọlegbe bu erha ẹe gha dee. Rẹn keghi ru vbene ọ yan ma e Nọyaẹnmwa. Ọmọ okhuo nii keghi wu ye uvbi ne ọ ma rẹn okpia. Erriọ ọ re ọ ya suẹn vbe Izrẹl ne a na miẹn wẹẹ,