Nọmbas 3:7 - Edo Bible (E Baibol Ẹdo) Version 1996

⁷ Iran ghi gha winna iwinna ni rre uwu Owa Ukpọn Ile, iran ghi gha winna ne avbe ohẹn kevbe avbe emwa nii hia.

Nọmbas 3:7 Iomraidhean Croise

I Krọnikol 26:20

Iran eso ọvbehe vbe avbe e Livai ne ihua iran kegha gbearoghe aza kevbe avbe ehe ne a viọ emwi ne a ya yo imuohan gie Osanobua yi.

I Krọnikol 26:22

Ivbi e Ladan ne eva nekpa, ighẹ Zetam kevbe Joẹl, ọ re ọ gha gbearoghe aza kevbe ehe ne a hẹ emwi yi vbe Ọgua Osa.

I Krọnikol 26:26

E Sielomit kevbe ivbi ẹre ọ re ọ gha sin iran ẹro ighẹ avbe emwi ne Devid ne ọba ya mu ohan gie Osanobua kevbe dọmwadẹ ọba ẹgbẹe, avbe ekaolotu avbe ẹwae kevbe avbe ivbiyokuo.

Levitikọs 8:35

Wa ghi wa gha rre onurho Owa Ukpọn ile nii asọn kevbe avan la ikpẹdẹ ihinrọn, wa ghi gha ru vbene Nọyaẹnmwa khare, deghẹ wa ma ru vberriọ, wa gha wulo.” Emwi ne Nọyaẹnmwa tama mwẹ ọre ọna khin.

Nọmbas 1:50

Ne u gha na te ru vberriọ, u ghi viọ avbe Livai ye ni gbe aro ghe Owa Ukpọn Ile kevbe avbe emwi ne a lo vbọ hia. Iran ọre ọ khian gha dadae ke ẹe kevbe emwi ne a lo vbọ, iran ghi gha ga vbọ, iran ghi vbe bọlọ agọ iran lẹga ẹre.

Nọmbas 1:53

Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.”

Nọmbas 3:32

Ọkaolotu avbe Livai kegha re Eliaza ne ovbi Errọn ne ohẹn, rẹn ọre ọ gha gbe aro ghe iran ni winna vbe uwu Ehe Ne ọ huanrẹn.

Nọmbas 3:8

Iran ghi gha gbe aro ghe emwi ne a lo vbe uwu Owa Ukpọn hia, iran ghi vbe gha winna ne ivbi Izrẹl ni dekẹe.

Nọmbas 31:30

U ghi rhie oghunmwu ọkpọkpa vbe uwu ekigbe siyeha vbe emwi ne a ghae gie emwa nii, erriọ vbe nọ vbe ẹmila, ekẹtẹkẹtẹ, ohuan ke ẹwe. U ghi viọ iran ne avbe Livai ni gbe aro ghe Owa Ukpọn Ile ọghe Nọyaẹnmwa.”

Nọmbas 8:11

Errọn ghi ye avbe Livai fi ohan mẹ zẹ vbe izẹọhẹ kpataki ke obọ ivbi Izrẹl rre ne iran do gha winna iwinna mwẹ.

Nọmbas 8:15

U gha kpe avbe Livai huan nẹ, u na vbe ya iran fiohan mẹ, ẹghẹ nii te iran ghi kei ne ọ gha winna vbe uwu Owa Ukpọn Ile.