Nọmbas 3:6 - Edo Bible (E Baibol Ẹdo) Version 1996

⁶ “Viọ ivbi ẹwae Livai ladian ne u zẹ iran ni ga Errọn ne ohẹn.

Nọmbas 3:6 Iomraidhean Croise

I Krọnikol 15:2

Ẹre irẹn na kha wẹẹ, “Avbe Livai ọkpa ọ re ọ ra gha mu Ẹkpẹti Ile rhunmwuda, iran ọ re Nọyaẹnmwa zẹe ne ọ gha mu ẹẹn, ne iran vbe gha winna ne irẹn ẹdẹdẹmwẹdẹ.”

I Krọnikol 23:28

A ghi vbe ghae iran lele isi iwinna na hia; ne iran gha yi avbe ohẹn ni re ivbi uniẹn Errọn obọ vbe ugamwẹ Ọgua Osa, ne iran gha kpolo ore ni lẹga ẹre kevbe avbe ughugha ni rrọọ, ne iran vbe miẹn wẹ a ma mu awua ye avbe emwi ni huanrẹn rhọkpa.

I Krọnikol 23:32

A keghi vbe fian ẹre okhuo ne iran, ne iran gha gbe aro ghe Owa Ukpọn ne a ya rẹn ighẹ e Nọyaẹnmwa rre evba kevbe Ọgua Osa, kevbe ne iran vbe gha yi etẹn iran obọ ighẹ avbe ohẹn ni re ivbi uniẹn Errọn, vbe ẹghẹ ugamwẹ vbe Ọgua Osa.

I Krọnikol 6:33

Uviẹn uniẹn iran ni gha rre ukpo nii ọ re ena khin. Ewae ọghe Kohat: Heman ne ọ re ọkaolotu otu ihuan ne okaro, ovbi e Joẹl ọ re irẹn gha khin vbene uviẹn uniẹn ọnrẹn ye ọna khin rhinrin ya sẹ egbe Jekọb: E Heman, e Joẹl, e Samuẹl,

II Krọnikol 29:11

Ivbi mwẹ, wa ghẹ ya ẹe rhọ eghẹrẹ hiehiere. Wa ọrọre emwa ne Nọyaẹnmwa zẹe ne ọ gha giẹn eturari ghe irẹn kevbe ne ọ gha ya avbe emwa ni ru ugamwẹ irẹn.”

Ẹzra 6:18

Iran keghi vbe do mwamwa avbe ohẹn kevbe avbe Livai ye ugamwẹ ne a ru vbe Ọgua Osa ne ọ rre Jerusalẹm, zẹ vbene a mwamwa ẹn ye ebe Mosis.

Malakai 2:4

Ẹghẹ nii, wa gha rẹn wẹ mẹ ọ re ọ gu uwa guan na, ne a ghẹ miẹn ehe na rra ile ne I gu avbe ohẹn ne ivbi uniẹn e Livai ta.

Nọmbas 18:21

E Nọyaẹnmwa keghi kha wẹẹ, “A ghae ye ihe igbe ne ivbi Izrẹl hẹ gunmwẹ, I ya ne avbe Livai. Ọ na ọrọre osa ne a ha iran re ye iwinna ne iran winna ya gbearoghe Owa Ukpọn Ile.

Nọmbas 2:17

“Ivbi e Livai gha si okhian, iran ghi gha rre ẹkpo oka eva ni ke odieke, iran ghi mu Owa Ukpọn Ile mwẹ. Zẹ vbene a ya bu agọ ọre dọmwadẹ oka gha vbe ya gha khian, dọmwadẹ ọghe ọe vbe ihe ọghe ọe vbe ototọ ọkaolotu ẹre ke asa iran.

Nọmbas 2:33

Sokpan a ma ka ivbi Livai ba ivbi Izrẹl nekpa zẹ vbene Nọyaẹnmwa tama e Mosis.

Nọmbas 3:5

E Nọyaẹnmwa keghi tama e Mosis wẹẹ,

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.