Nọmbas 3:3 - Edo Bible (E Baibol Ẹdo) Version 1996

³ A nọnọ ori ye iran uhunmwu, a kevbe ma iran ohẹn.

Nọmbas 3:3 Iomraidhean Croise

I Krọnikol 23:6

E Devid keghi ghae avbe Livai ye otu eha zẹ vbene edọmwadẹ ọghọe khare, ena kegha re Gẹsiọn, e Kohat kevbe Merari.

Ẹksọdọs 28:41

U ghi yọ Errọn ne ọtuẹn ke ivbi ẹre nikpia ẹwu na, iyeke ọnii, u ghi nọnọ ori oliv ye iran uhunmwu, ma iran ohẹn, ne u ya iran fiohan, ne iran sẹtin gha ga mwẹ zẹ vbe ohẹn.

Ẹksọdọs 40:13

U ghi yọ Errọn ukpọn iruenmwi nii, u ghi nọnọ ori ye ọre uhunmwu, odẹ vbe rrọ ọre u gha ya ya ẹe fiohan ne ọ miẹn ehe na gha ga mwẹ zẹ vbe ohẹn.

Ẹksọdọs 40:15

U ghi nọnọ ori ye iran uhunmwu, zẹ vbene u vbe ya nọnọ ori ye erha iran uhunmwu nii iran gha ga mwẹ zẹ vbe ohẹn Odẹ vberriọ iran gha re ohẹn rhinrin vbe ẹghẹ ne ọ dee.”

Levitikọs 8:12

Ọ keghi ya Errọn ma ohẹn vbe ne ọ na sa eso vbe ori ne a sa ye ọmwa uhunmwu ye ọre uhunmwu.

Levitikọs 8:30

E Mosis keghi rhie vbe ori ne a sa ye emwa uhunmwu ne ọ rre aka, ọ ke sanmwẹ ọẹn ku Errọn ke ẹe kevbe ivbi ẹre kevbe ukpọn. Odẹ vberriọ, ọ keghi ya iran kevbe ukpọn iran fi ohan ne Nọyaẹnmwa.

Nọmbas 3:4

Sokpan ẹghẹ ne Nadab kevbe Abihu na ya erhẹn awua zẹ ọhẹ gie Nọyaẹnmwa vbe Ato Sainai, a keghi gbele iran an. Iran i mwẹ emọ rhunmwuda onii Eliaza kevbe Itama kegha ru ugamwẹ ohẹn la ẹghẹ ne Errọn ne erha iran na gha rre agbọn.

Hibru 7:28

Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.