Nọmbas 3:10 - Edo Bible (E Baibol Ẹdo) Version 1996

¹⁰ Sokpan, u ghi zẹ Errọn kevbe ivbi ẹre ne iran gha re ohẹn, ọmwa ọvbehe ne ọ rhirhi danmwẹ ọẹn ghe ne ọ winna iwinna iran, a ghi gbẹe rua.”

Nọmbas 3:10 Iomraidhean Croise

II Samuẹl 6:7

Vbe ọwarọkpa nii, ohu Uzza keghi mu e Nọyaẹnmwa, Ọ keghi gbe ẹe rua rhunmwuda, udinmwẹ amiọmwafo ọghe ọe, ẹre Uzza na wu ye evba, vbe ọkpẹn Ẹkpẹti Ile nii.

I Ọba 12:31

E Jeroboam kevbe bọlọ owa ugamwẹ lele oke ni bun, ọ keghi vbe zẹ avbe ohẹn ne a miẹn wẹ iran i re uniẹn e Livai.

I Krọnikol 6:32

Ọsegbe ọsegbe ne a i baku ọ re iran ya gha yo Owa Ukpọn ne a ya rẹn ighẹ e Nọyaẹnmwa rre evba, ya gha winna vbe ọ te do sẹ ẹghẹ ne Solomọn na bọ Ọgua Osa.

Nehimaia 6:11

Mẹ keghi wanniẹn wẹẹ, “Mẹ i re okpia ne ọ lẹ fua ya gha lẹre. Wẹ yayi wẹ mẹ gha ya lẹre ye uwu Ọgua Osa ne I ghẹ miẹn ehe na wu? I i ruẹe.”

Ẹksọdọs 29:9

U ghi gbalọ iran ebuluku, u ghi dọlọ ẹrhu ye iran uhunmwu, iran ọ khian gha re ohẹn zẹ vbe ne iyi itẹbitẹ mwẹ khare. Vbene u gha ya ye Errọn kevbe ivbi ẹre ma ohẹn ọre ọna khin. Iran kevbe uniẹn iran gha ga mwẹ vbe ukpo ohẹn ẹdẹdẹmwẹdẹ.

Ezikiẹl 44:8

Iran ma gbearoghe ilele itaemwi ni rre Ọgua Osa mwẹ, sokpan, iran keghi viọ avbe erriọvbe yọ ne iran gha gbearoghe ẹre.

Levitikọs 22:10

“Ọmwarhọkpa ghẹ rri avbe emwi izẹ ọhẹ ni huanrẹn nii, ugbẹn vbe a miẹn wẹ ẹ i re ẹgbẹe ohẹn, ọ gha khọnrẹn ne a miẹn wẹ ohẹn ọre ọ gu dia ra te ọ rhie ẹre vbe iwinna.

Nọmbas 1:51

Wa gha si kpao vbe agọ, avbe Livai ọre ọ gha fannọ Owa Ukpọn nii, iran ghi vbe ya bọ ẹe vbe agọ ne ọgbọn. Ọmwa ọvbehe rhọkpa gha sikẹ Owa Ukpọn nii, a ghi gbe ẹe rua.

Nọmbas 16:10

Ọ gie uwẹ kevbe ivbi e Livai nekpa hia gha mwẹ uyi na, banbanna nian, wa ho ne u wa vbe mu ukpo ohẹn ba ẹre!

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Nọmbas 16:40

Ọna kegha re ne ivbi Izrẹl gha miẹn wan wẹ ọmwa ne ẹ i re ovbi uniẹn ọghe Errọn ne ọ ghẹ gha rrie aka do gha giẹn eturari vbe odaro e Nọyaẹnmwa, ne a ghẹ vbe fuẹn ọnrẹn uan zẹ vbe Kora kevbe irogho ẹre. A keghi ru emwi na hia zẹ vbene Nọyaẹnmwa gie Mosis ne ọ tama Eliaza.

Nọmbas 18:3

Iran ghi winna iwinna ne ọ kan ruẹn fo kevbe emwi ne ọ bi ye iran egbe vbe ẹmwẹ Owa Ukpọn, sokpan, a ghẹ gie iran ya obọ kan avbe emwi iruemwi ni rre Ehe Ne ọ huanrẹn ra aka. Iran gha ru ẹe, a gha gbele uwẹ kevbe iran an.

Nọmbas 18:7

Sokpan wẹ kevbe avbe ivbuẹ ọkpa ọre ọ gha winna iwinna ohẹn ne ọ dekan aka kevbe uwu ehe Ne ọ Huan Sẹẹ Ehia. Iwinna ne ọ bi yuẹ egbe ọre ena khin, rhunmwuda mẹ rhie ọhẹ ọghe ukpo ohẹn nuẹn nẹ. Ọmwa ne ọ ma kei, ne ọ sikẹ avbe emwi ne ọ huanrẹn, a ghi gbẹe rua.”

Nọmbas 3:11

E Nọyaẹnmwa keghi tama e Mosis wẹẹ,

Nọmbas 3:38

E Mosis kevbe Errọn kevbe avbe ivbi ẹre ghi bu agọ iran ye asefẹn ahọ ọghe Owa Ukpọn Ile. Iran ọ yan iwinna ne a winna vbe uwu Ehe Ne ọ huanrẹn ne ivbi Izrẹl. Ọmwa ọvbehe ne ọ rhirhi danmwẹ ọẹn ghe ne ọ ru ẹe, a ghi gbẹe rua.

Ebe ne Pọl gbẹẹn gie emwa Rom 12:7

A deghẹ ne a gha ga emwa ọvbehe nọ, wa gie a gha ga emwa ọvbehe, deghẹ ne a gha ma emwa emwi nọ, gia gha ma emwa emwi.

Ẹfisọs 2:19

Rhunmwuda ọnii nian, wa ne ẹ i re Ju i ghi re ọrriọvbe ra orhunmwuyẹn ọvbehe, ivbi ẹvbo ọkpa wa ghi gu emwa Osanobua khin, wa keghi vbe re ivbi ẹgbẹe Osanobua.

Diuteronomi 18:5

Te Nọyaẹnmwa zẹ ẹwae Livai ladian vbe uwu uwa ne iran gha ga irẹn zẹ vbe ohẹn ẹdẹdẹmwẹdẹ.

Hibru 8:4

Akpawẹ agbọn na ọre ọ ye, ẹ i ghẹ gha re ohẹn hiehiere, rhunmwuda wẹ, avbe ohẹn rrọọ ni ye emwi mu ohan, zẹ vbe vbene Uhi avbe Ju mwamwa ẹn.

Giọgis 17:5

Okpia na ighẹ e Maika mwẹ ehe ne a na ga ọghe obọ ẹre ọ keghi mannọ avbe amazẹ, ọ kevbe mwẹ adaghọ, ọ na rhi ovbi ẹre ọkpa yọ ne ọ gha re ohẹn ọnrẹn.

I Samuẹl 6:19

E Nọyaẹnmwa keghi gbele ivbi Bẹt Siemẹs eso rhunmwuda iran kegha ghe uwu Ẹkpẹti Ile nii, ọ keghi gbele arhin ekigbe sẹ iyenẹ vbe uwu iran. Emwa nii keghi khiẹ, rhunmwuda ne eso na wulo vbe uwu iran.