Nọmbas 28:2 - Edo Bible (E Baibol Ẹdo) Version 1996

² ne ọ tama ivbi Izrẹl wẹ ne iran gha viọ emwi izẹ ọhẹ evbare gie Nọyaẹnmwa vbe ẹghẹ ne a zẹ yọ, zẹ vbe ne ọ yẹ ọre.

Nọmbas 28:2 Iomraidhean Croise

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

I Krọnikol 23:31

Ke ẹghẹ hia ne a ya giẹn ese ne a zọ ghe Nọyaẹnmwa vbe Ẹdẹ Ikẹtin, Emwiukpo Uki Ọgbọn, kevbe avbe emwiukpo ọvbehe hia. A keghi mwamwa ilele ne a ya gha rẹn zẹẹ, inu e Livai ne a zẹe wẹ ne ọ winna iwinna na vbe ẹghẹ ke ẹghẹ. A keghi wa zẹ avbe Livai wẹ iwinna iran ọrọre ne iran gha ga e Nọyaẹnmwa rhinrin ẹdẹ.

II Krọnikol 23:18

E Jehoiada keghi mu iwinna ni rre Ọgua Osa ne avbe ohẹn kevbe avbe Livai. Iran ghi gha winna avbe iwinna ne ọba Devid wa ne iran, iran ghi vbe giẹn avbe emwi ne a ya zọ ese ghe Nọyaẹnmwa, zẹ vbene Uhi e Mosis muẹn ye otọ. Iran ọ re ọ vbe yan iwinna ẹgiọn kevbe emaba ne a kpee kevbe avbe ugie ne a do.

II Krọnikol 31:3

Owiẹ owiẹ kevbe ota hia ọ ghi mu aranmwẹ kevbe oghẹn emwirri ẹre rre ne a ya gha zọ ese na giẹn uan, kevbe ne a ya zọ ese vbe Ẹdẹ Ikẹtin, Emwiukpo Uki Ọgbọn kevbe avbe emwiukpo ọvbehe ne uhi e Nọyaẹnmwa wẹ ne a gha ru.

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Ẹzra 3:3

A gha rhe miẹn wẹ ohan emwa ni gha rre otọe nii wa gha mu ivbi Izrẹl ni ke iwe rre, iran keghi ye dọlọ Ogiukpo bọ ye ehe ne ọ te kagha ye. Iran na dọlegbe suẹn gha giẹn ese vbọ ota vbe owiẹ kpẹkpẹkpẹ.

Nehimaia 10:34

Ma kevbe avbe ohẹn kevbe avbe Livai gha yan uta yọ ukpukpo ne a ya rẹn ẹwae ne ọ gha ho erhan ne a ya giẹn ese ne a zọ ghe Nọyaẹnmwa ne Osanobua mwa zẹ vbene Uhi khare.

Psalm 81:3

Wa kpe okpe ye emwiukpo nii, vbe uki a da hin kevbe uki a ko urro.

Ẹksọdọs 23:15

Vbe uki Abib, uki ne uwa na kpao hin Igipt rre, wa ghi ru emwiukpo Ebrẹd nọmahue; zẹ vbene iyi ẹre nii yi ma uwa, wa ghẹ rri ebrẹd ne ọ huere la ikpẹdẹ ihinrọn vbe ẹghẹ emwiukpo na. Omwa ikọmwa ghẹ fiabọ emwi imuohan bu mwẹ gha dee.

Ẹksọdọs 29:18

U ghi wa giẹn ogho nii hia vbe uhunmwu aka. Izọhẹ ne a giẹn ne Nọyaẹnmwa ọre ọna khin, izọhẹ ne a ya erhẹn ru nọ ke ẹe kevbe uwinhinmwẹ ne ọ yẹ mwẹ.

Ezikiẹl 16:19

I viọ evbare ne uẹn — avbe irhuarhua ne ọ maa sẹẹ ke ofigbọn oliv kevbe owọn, sokpan, u keghi ya ehia mu ohan, ne avbe amazẹ miẹn ehe na gha ghe ruẹ ẹse.” Erriọ Nọyaẹnmwa ne Udazi khare.

Ezikiẹl 20:41

“I gha ghi viọ uwa ke avbe ẹvbo ne a zagha uwa kui gha dee nẹ, I na vbe do si uwa koko, I gha rhan obọ miẹn ese ne uwa gien rẹn, avbe uhunmwu ẹvbo gha vbe miẹn wẹ ọmwa nọhuanrẹn ọ re imẹ khin.

Ezikiẹl 45:17

Iwinna irẹn nọ ne ọ mu aranmwẹ ne a ra gien uan rre, kevbe ọka imuohan kevbe ayọn ne a ya mu ohan ọghe otọe Izrẹl hia vbe ẹghẹ Emwiukpo Uki Ọgbọn kevbe Ẹdẹ Ikẹtin kevbe avbe emwiukpo ni ghi dekẹe. Rẹn ọ re ọ gha mu emwi imuohan ọghe orukhọ rre, kevbe ọghe ọka, emwi imuohan ne a ra wa gien ikun ẹnrẹn, kevbe emwi izọese ọghe isara, ne a ya kpe orukhọ ivbi Izrẹl kua.”

Levitikọs 1:13

Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.

Levitikọs 1:17

Ọ ghi viọ ẹre ifuẹn, ọ ghi va ẹe ẹre egbe ua vbene ẹ i na yanghan ifuẹn ọnrẹn kua. Ọ ghi giẹn ọnrẹn vbe aka. Uwinhinmwẹ emwi ihaoko evbare na yẹ Nọyaẹnmwa.

Levitikọs 1:9

Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Levitikọs 21:6

Ọ kere ne ọ gha re ne ọ huanrẹn ne ọ ghẹ fa eni mwẹ uan. Ọ ya evbare zẹ ọhẹ mẹ rhunmwuda ọnii, ọ kere ne ọ huan.

Levitikọs 21:8

Ọ kere ne emwa hia rẹn ohẹn ye ọmwa ne ọ huanrẹn rhunmwuda rẹn ọ ya evbare zẹ ọhẹ mẹ. Mẹ ọ re Nọyaẹnmwa ọmwa ne ọ huanrẹn mẹ khin, mẹ ọ re ọ vbe ya emwa mwẹ khian ne ọ huanrẹn.

Levitikọs 3:11

Ohẹn ne ọ ru ugamwẹ ghi giẹn ena hia zẹ vbe evbare ihaoko gie Nọyaẹnmwa.

Malakai 1:12

Sokpan, te uwa yagha mwẹ vbe uwa a kha wẹ Ogiukpo nọ ma maa ọre ọghomwẹ khin, wa ghi vbe gha zọ ese evbare ne uwa wẹ ẹi ma vbe uhunmwu ẹnrẹn.

Malakai 1:7

Vbenian ọre nọ ne uwa na do gha ya evbare nọ ma maa zọ ese vbe Ogiukpo mwẹ. Wa ghi vbe nọ wẹẹ, ‘Vbe ima ma ya lohan ruẹn hẹ yi?’ I gha tama uwa, ne uwa ma na ka Ogiukpo mwẹ yọ.

Nọmbas 15:24

A deghẹ a miẹn wẹ abakuru na i re ẹmwẹ emwa nii, iran ghi ya ẹkhuia ẹmila deba avbe ọka kevbe ayọn zẹ ọhẹ ne ọ maẹn, zọ ese ne a giẹn uan. Uwinhinmwẹ ọnrẹn wa yẹ Nọyaẹnmwa. Debare, iran ghi ya ovbukhọ zọ ese orukhọ.

Nọmbas 15:3

A sẹtin mu ẹmila ra ohuan ra ogho ra ẹwe gie Nọyaẹnmwa zẹ vbe izọese na giẹn uan, ra izọese ne a ya mu eyan sẹ ra ne a ya sisara, ra izọese ne a ru ya dugie ugamwẹ, uwinhinmwẹ avbe izẹọhẹ evbare vberriọ wa yẹ e Nọyaẹnmwa.

Nọmbas 15:7

ke ẹe kevbe ọgọ ayọn eha. Uwinhinmwẹ izẹọhẹ vberriọ wa yẹ e Nọyaẹnmwa.

Nọmbas 28:1

E Nọyaẹnmwa keghi tama e Mosis wẹẹ,

Nọmbas 29:39

Enena ọrọre emwi ne u ghi ya gha zọ ese ghe Nọyaẹnmwa vbe ẹghẹ emwiukpo rua, zẹ vbe izẹọhẹ na giẹn uan, izẹọhẹ ọka izẹọhẹ ayọn kevbe isara. A ghi ru ena deba izẹọhẹ emwi obọ ọmwa ne u ru ya mu eyan ruẹn sẹ ra zẹ vbe isara.

Nọmbas 9:13

Sokpan, a deghẹ ọmwa ne awua i gue nọ, ighẹ ọ ma vbe yo ehe rhọkpa, ne ọ ma ru emwiukpo Alagberra, a i ghi vbe kae ba avbe emwa mwẹ, rhunmwuda ọ ma zẹ ọhẹ ni gunmwẹ vbe ẹghẹ ne a mwa yọ. Uhunmwu ẹnrẹn ọre ọ ra ya mu emwi ne ọ gha ke orukhọ ẹre ikian.

Nọmbas 9:7

Iran wẹẹ, “Awua gu ima rhunmwuda ighẹ ma yobọ kan orinmwi, sokpan vbọzẹ ne a ma na gie ima zọhẹ gie Nọyaẹnmwa vbene ivbi Izrẹl nekpa ru yi?”

II Kọrinti 2:15

Rhunmwuda te ima ye vbe uwinhinmwẹ eturari ne Kristi giẹn ne Osanobua, ne ọ vbe sẹ egbe iran ne a ra miẹnfan, kevbe iran ne ọ ra wiri ua.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.