Nọmbas 28:19 - Edo Bible (E Baibol Ẹdo) Version 1996

¹⁹ Wa ghi zọ ese na giẹn uan zẹ vbe izẹ ọhẹ evbare ne Nọyaẹnmwa: ena ọrọre ivbi ẹkhuia eva, ogho ọkpa kevbe ivbi ogho ne ọ he rre ukpo ọkpa ihinrọn, ehia ghi gha re ne ẹ i mwẹ okan.

Nọmbas 28:19 Iomraidhean Croise

Diuteronomi 15:21

Sokpan a deghẹ emwi irri nii mwẹ okan, deghẹ uke nọ ra te ọ rhu aro ra deghẹ ọ mwẹ ehe ne ọ mobọ ke ẹe yi ẹre re, ghẹ ya ẹe zọ ese ne Nọyaẹnmwa Osanobua ruẹ.

Nọmbas 29:8

Wa ghi zọ ese na giẹn uan ghe Nọyaẹnmwa, uwinhinmwẹ ne ọ yẹ ọre, avbe emwi na: ovbi ẹkhuia ẹmila ọkpa, ogho ọkpa ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 28:31

U ghi ya ena kevbe ayọn zẹ ọhẹ deba ese na giẹn uan ẹdẹgbegbe le izẹ ọhẹ ọka.

Levitikọs 22:20

Wa gha ye aranmwẹ ne ọ mwẹ okan zẹ ọhẹ, e Nọyaẹnmwa i rhan obọ miẹn rẹn.

I Pita 1:19

Izọ ese ighobioye ọghe Kristi ọre a ya rhan uwa ye otọ, emwa ne ọ ye vbe oteghe ohuan ne ẹ imwẹ okan ra ama.

Nọmbas 28:20

U ghi ru izẹọhẹ ọghe irhuarhua ne a ya ofigbọn oliv gbe zẹ vbe izẹọhẹ ọka vbe ne ọ kere, uwan ehan ghi lele ẹkhuia ọkpọkpa, uwan enenẹ ghi lele ogho ọkpọkpa.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Diuteronomi 16:2

U ghi gha rrie ihe ọkpa kẹkan ne a na ga ni, u ghi gbe ohuan ruẹn ra ẹmila ruẹ ọkpa vbe vba ne u rri evbare Alagberra ya ye ọghọ ne Nọyaẹnmwa Osanobua rua.

II Krọnikol 35:12

Iran keghi do ghae avbe aranmwẹ nii ne emwa nii, zẹ vbe dọmwadẹ ẹgbẹe, avbe aranmwẹ ne a ra ya zọ ese ne a giẹn uan, ne iran miẹn ehe na ru ẹe zẹ vbene Uhi e Mosis mwamwa ẹn ye otọ.