Nọmbas 27:3 - Edo Bible (E Baibol Ẹdo) Version 1996

³ “Erha ima wu vbe otọ ẹgbo vbe ne ẹ i na mwẹ ọmọ okpia, rẹn i re ọkpa vbe uwu emwa ni yaba e Kora sọtẹ ghe Nọyaẹnmwa, orukhọ ọghe obọ ẹre ọre ọ gbe ẹe.

Nọmbas 27:3 Iomraidhean Croise

Ezikiẹl 18:4

Mẹ ọ re ọ yan orhiọn emwa hia, orhiọn ọghe avbe evbibiemọ kevbe ọghe avbe emọ. Ọmwa ne ọ ru orukhọ ọ re ọ ra gha wu.

Nọmbas 14:35

I gha miẹn i ghẹ I i ru uwa emwi na, wa ne emwa dan ni si uma mwẹ. Uwu ẹgbo na ọre uwa hia ra wulo yi. Mẹ ne Nọyaẹnmwa tae nẹ.’ ”

Nọmbas 16:19

Ẹre Kora na si emwa ni hia koko, iran keghi mudia viọ aro da e Mosis kevbe Errọn vbe onurho Owa Ukpọn. Vbe udomwurri, uwanmwẹ ne ẹ i gia ghe nii, ne a ya rẹn ighẹ Nọyaẹnmwa rre evba, keghi rhie egbe maa emwa nii hia.

Nọmbas 16:49

Inu emwa ni wulo kegha re iyisẹn yan uri eha ọre ọ ya yan arriaisẹn iwenẹ (14,700) vbe ne a ma na ka iran ni wulo ba ẹmwẹ isọtẹ e Kora ba ẹre.

Nọmbas 26:33

E Zẹlofehad ne ovbi e Hẹfa ma biẹ emọ ikpia, emọ ikhuo ọkpa ọ gha mwẹ, a kegha tie eni iran Mala, Noa, Hogla, Milka kevbe Taiza,

Nọmbas 27:2

Iran keghi ya mudia ye odaro e Mosis. Eliaza ne ohẹn, avbe ọkaolotu kevbe emwa Izrẹl hia, vbe onurho Owa Ukpọn Ile, iran na kha wẹẹ,

Nọmbas 27:4

Vbọzẹ ne eni erha ima gha na gbe ẹro rhunmwuda ighẹ ọ ma biẹ ọmọ okpia. Wa ghae emwi ẹgbẹe ne ima vbe uwu ẹbu avbe etẹn erha mwa.”

Iyẹn ne ọ Maan Ọghe Jọn 8:21

Jesu dọlegbe tama iran wẹẹ, “Mẹ gha kpao, wa gha vbe gualọ mwẹ sokpan wa gha wulo ye uwu orukhọ uwa. Wa i sẹtin yo ehe ne imẹ rrie.”

Iyẹn ne ọ Maan Ọghe Jọn 8:24

Ọnii ọ zẹẹ ne I na khama uwa wẹ, uwu orukhọ uwa wa ra wulo yi deghẹ wa ma yayi wẹ ‘Mẹ ọrọre imẹ.’ ”

Ebe ne Pọl gbẹẹn gie emwa Rom 5:12

Obọ orhiọnkpa kẹkan ọre orukhọ la la agbọn, orukhọ keghi rhie uwu mwẹ obọ gha dee. Emwi ne ọ ghi ke ẹre ikian ọrọre wẹ uwu keghi sẹ egbe emwa ni rre agbọn na hia, rhunmwuda ighẹ ima hia ọre ọ ru orukhọ.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.