Nọmbas 26:53 - Edo Bible (E Baibol Ẹdo) Version 1996

⁵³ “Ghae otọe na ne avbe ẹwae na zẹ vbe ne iran ya kpolo.

Nọmbas 26:53 Iomraidhean Croise

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

I Krọnikol 16:18

“I gha mu otọ Kenan nuẹn ọwuẹ ra gha nọ.” Erriọ ọ re ọ tae.

Psalm 105:44

Ọ mu otọe emwa ọvbehe ne iran ọ na vbe gie iran munọ ugbo iran.

Psalm 49:14

A tae nẹ ighe te iran ra wulo zẹvbe ohuan, uwu, ọ re ọ ra gha re ọsuohuan iran. Obọ ọmwata gha ke ukhunmwu ne iran, vbe ikinnegbe iran a gha kẹkẹ ua ẹgiẹgiẹ, vbe ẹvbo avbe orinmwi, ehe ne ọ rrei ne owa iran ẹsẹse.

Ezikiẹl 47:22

te ọ khian gha re emwiobọ uwa ẹdẹdẹmwẹdẹ. Avbe erriọvbe ni rre ẹkpo uwa, ni vbe biẹlẹ nẹ vbe ẹvbo uwa, wa ghi vbe ghae sẹ iran obọ vbe otọ nii vbe uwa a gha ẹre. Obọ ne a ya mu ivbi eseserese vbe Izrẹl ọ re a vbe ya gha mu iran. Te iran gha vbe gu ẹwae Izrẹl zẹ vbe uta ne a ya gha otọe nii.

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Nọmbas 26:52

E Nọyaẹnmwa keghi tama e Mosis wẹẹ,

Nọmbas 26:54

Yan uta ya ghae otọe ni, mu otọ ne ọkpọlọ ne ẹwae ne ọkpọlọ kevbe otọe ne kherhe ne ẹwae ne kherhe.”

Nọmbas 33:54

Wa ghi ghae otọe nii gba dọmwadẹ ẹwae kevbe uniẹn ni rrọọ obọ, a ghi mu ne ọkpọlọ ne ẹwae ne ọkpọlọ, kevbe ne kherhe ne ẹwae ne kherhe.

Matiu 5:5

Ọ maa ne iran ni fu, iran ọre emwi ne Osanobua ve gha sẹ ọre obọ!

Jọsua 1:6

U ghi wegbe ne u vbe din, rhunmwuda wẹ ọ re ọ ra mu ọkaolotu viọ emwa na gha rrie otọe nii ne I ve avbe erha iran odede ẹre wẹ I gha mu ne iran.

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Jọsua 14:1

Ọna ọrọre vbene a ya ghae otọe nẹ ivbi Izrẹl hẹ vbe Kenan vbe odẹ ekẹn Jọdan. Eliaza ne ohẹn, e Jọsua ne ovbi e Nọn kevbe ọkaolotu avbe ẹgbẹe ni rre Izrẹl ọ re ọ ghae nene otọ ne emwa nii.

Arhie Maan 21:27

Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.

Arhie Maan 5:10

U ya uniẹn hia, ẹvbo ne a zẹ, emwa kevbe agbọn ẹvbo, ru arriọba avbe ohẹn, ne iran gha ga Osanobua mwa. Iran gha vbe khaemwisẹ vbe agbọn.”