Nọmbas 26:5 - Edo Bible (E Baibol Ẹdo) Version 1996

⁵ Ẹwae ọghe Riubẹn (Riubẹn ọrọre ovbi e Jekọb nọdiọn); ẹwae ọghe Hanọk keghi Palu,

Nọmbas 26:5 Iomraidhean Croise

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 35:22

Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.

Gẹnẹsis 35:23

Ọghe Lia ni rrọọ kegha re Riubẹn (ne ọre ovbi Jekọb nọdiọn), Simiọn, Livai, Juda, Isaka kevbe Zẹbulọn.

I Krọnikol 5:1

Ivbi uniẹn e Riubẹn ighẹ ovbi e Jekọb ne ọdiọn ọ re ena khin. (Rhunmwuda ne ọ na gu ọkpa vbe uwu avbe egbakhian erha ẹe ru emwi ọdọ vbe amwẹ, ọ keghi mu ehe ọghe emwi ni te khẹke ọmọdiọn fua, a na mu ne Josẹf.

I Krọnikol 5:3

E Riubẹn ne ovbi e Jekọb ne ọdiọn keghi biẹlẹ emọ ikpia enẹ, ena ọ re Hanọk, Palu, Hẹzrọn kevbe Kami.

Ẹksọdọs 6:14

E Riubẹn ne ovbi e Jekọb ne ọdiọn biẹlẹ emọ enẹ, Hanọk, Palu, Hẹzrọn kevbe Kami, ena ọre erha odede uniẹn iran.

Nọmbas 1:20

A keghi gbẹnnẹ eni emwa hia ni rre ikpugie kevbe ni vbe sẹ ọnii, iran ni gha sẹtin ye okuo, ye ebe zẹ vbe ẹwae kevbe ẹgbẹe edọmwadẹ ọghọe, iran keghi suẹn ọnrẹn vbe ẹwae Riubẹn ne ovbi e Jekọb ne ọdiọn. Ehia kegha re vbenian. Ẹwae Inu ne ọ khin E Riubẹn Iyisẹn irrọvbe uri eha yan arriaisẹn enẹ irrọvbe kigbe siyeha (46,500) E Simiọn Iyisẹn irrọvbe uri eva yan arriaisẹn ọkpa irrọvbiyeha: (59,300) E Gad Ekigbesiyeha yan uri eha yan arriaisẹn yan iyeva: (45,650) E Juda Uri eha yan arriaisẹn ene yan ekigbe siyenẹ: (74,600) Isaaka Uri eva yan arriaisẹn ene yan ekigbe siyeha: (54,400) E Zebulọn Uri eva yan arriaisẹn ehairrọvbiyeha: (57,400) Ifreim Iyisẹn yan uri eva yan arriaisẹn iyeva: (40,500) E Manasẹ Uri yan arriaisẹn eva yan ọgban: (32,200) E Bẹnjamin Uri eva yan arriaisẹn isẹn yan ọgban: (35,400) E Dan Iyisẹn yan uri eha yan arriaisẹn eva yan iyeha: (62,700) Asia Iyisẹn yan uri eva yan arriaisẹn ọkpa yan iyeva: (41,500) Naftali Uri eva yan arriaisẹn eha yan ekigbesiyeha: (53,400) Ehia keghi gha re ekigbesiyeha irrọvbe uri eha yan, arraisẹn eha yan uri eha: (603,550)

Nọmbas 26:6

Hẹzrọn kevbe Kami.