Nọmbas 26:3 - Edo Bible (E Baibol Ẹdo) Version 1996

^3-4 E Mosis kevbe Eliaza keghi ru vberriọ. Iran keghi si avbe emwa nii hia nii rre ikpugie kevbe ni sẹẹ ọnii koko. Iran keghi si koko vbe otọ ne ọhẹnhẹn ọghe Moab ne ọ rre iyeke Jọdan vbe a gha la Jẹriko la rọ. Iran na ọrọre ivbi Izrẹl ni ke Igipt ladian.

Nọmbas 26:3 Iomraidhean Croise

Nọmbas 22:1

Ivbi Izrẹl ghi si okhian, iran na ya yakọ vbe otọ ne ọhẹnhẹn ọghe Moab, vbe odẹ ahọ ọghe Jọdan ne ọ mu aro da Jẹriko.

Nọmbas 26:63

E Mosis kevbe Eliaza keghi mwamwa eni avbe uniẹn na hia vbe ẹghẹ ne iran na ka ivbi izrẹl vbe otọe ne ọ rriẹe ọghe Moab, vbe a gha la e Jẹriko fian Jọdan rra.

Nọmbas 31:12

Iran na viọ iran bu e Mosis kevbe Eliaza kevbe emwa Izrẹl gha dee, emwa ni rre agọ vbe otọe ne ọ rrie ọghe Moab vbe a gha fian Jọdan rra vbe Jẹriko.

Nọmbas 35:1

A ghi sẹ otọe nọ rriẹe ọghe Moab vbe iyeke Jọdan vbe a gha ke Jẹriko fian ẹn rra, e Nọyaẹnmwa keghi tama e Mosis wẹẹ,

Diuteronomi 34:1

E Mosis keghi ke otọe ne ọ rriẹe ọghe Moab gha rrie oke Nebo vbe uhunmwu Oke Pisga vbe odẹ ọghe Jẹriko, evba e Nọyaẹnmwa na rhie otọe Kenan hia ma rẹn: otọe Giliad rhinrin ya sẹ Dan vbe odẹ okun.

Diuteronomi 34:6

E Nọyaẹnmwa keghi re ẹre ye iya ne ọ mu aro da Betpeọ, sokpan do sẹ ebanbanna, ọmwa ne ọ rẹn ehe ne a wa re ẹre yi zẹẹ, ẹ i rrọ.

Diuteronomi 34:8

Ivbi Izrẹl keghi ye ikpẹde ọgban khiẹ ọre vbe otọe ne ọ rriẹe ọghe Moab. Ẹghẹ ne a ya khiẹ e Mosis keghi fo.