Nọmbas 26:10 - Edo Bible (E Baibol Ẹdo) Version 1996

¹⁰ Otọ keghi rhan unu minọ iran re, iran keghi wulo deba Kora kevbe iran ni lelẹe vbe ẹghẹ ne a na fuẹn arhin ekigbesiyeha yan uri (250) ne iran gha re ne emwa nekpa miẹn wan.

Nọmbas 26:10 Iomraidhean Croise

Ẹksọdọs 16:35

Ukpo iyeva ọre ivbi Izrẹl rri emana la, iran te do sẹ otọe Kenan ne iran yinrin.

Jerimaia 29:22

Emwa ne a viọ ẹre oghunmwu kpao vbe Jerusalẹm gha rrie Babilọn gha ra tie ihẹn ne ọmwa, iran ghi kha wẹẹ, ‘Te Nọyaẹnmwa gha ru uẹ vbene ọ ru e Zedekaia kevbe Ehab, ne ọba e Babilọn tọẹn vbe erhẹn ke iran kevbe ẹmwẹ ne unu!

Ezikiẹl 14:8

I gha mu aro da ẹre. I gha ya ẹe ru igiemwi. I gha yuo ẹre hin uwu ẹbu emwa mwẹ rre, ne uwa miẹn ehe na rẹn ighẹ mẹ ọrọre Nọyaẹnmwa.

Nọmbas 16:38

Iran khian emwi iruemwi vbe a viọ iran gha die aka e Nọyaẹnmwa. Rhunmwuda onii viọ ọkpan ọghe avbe emwa na ne a gbele ye ẹmwẹ orukhọ iran, dunmwu ẹn ya khian avbe ọkpan fẹrhẹfẹrhẹ ne u yae gha gue aka. Ọ na ghi gha re ne a miẹn wan ne ivbi Izrẹl.”

Nọmbas 17:3

U ghi gbẹn eni Errọn ye ọkpọ ọghe ivbi e Livai. Dọmwadẹ ọkaolotu ẹwae ghi gha mwẹ ọkpọ ọkpọkpa.

Nọmbas 27:3

“Erha ima wu vbe otọ ẹgbo vbe ne ẹ i na mwẹ ọmọ okpia, rẹn i re ọkpa vbe uwu emwa ni yaba e Kora sọtẹ ghe Nọyaẹnmwa, orukhọ ọghe obọ ẹre ọre ọ gbe ẹe.

Diuteronomi 11:6

Wa ye emwi ne ọ ru e Datan kevbe Abiram ne ovbi Eliab ne ẹwae Riubẹn rre. Otọ rhan unu, ọ keghi minọ iran re ke iran kevbe ẹgbẹe iran, owa ukpọn iran, kevbe eguọmwadia iran, kevbe emwirri iran.

Diuteronomi 28:46

Ena ghi gha re iyama ọghe vbene Osanobua bu ohiẹn uwa hẹ vbe egbe uwa kevbe ivbi uwa ẹdẹdẹmwẹdẹ.

II Pita 2:6

Osanobua bu ohiẹn gbe avbe ẹvbo Sọdom kevbe Gomorra, ọ keghi ye erhẹn fuẹn iran uan, ọ keghi ya iran khian igiemwi ne emwa dan, vbe ekpa emwi ne ọ gha sunu vbe egbe iran.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.

I Samuẹl 2:34

Ẹghẹ ne ivbi uẹ eva ighẹ Hofnai kevbe Finihaz gha na wulo ẹdẹ ọkpa, ọnii gha rhie maa ruẹn wẹ, ẹmwẹ ne I ta nẹ, ẹ i mwẹ ọ ma sẹ.