Nọmbas 24:8 - Edo Bible (E Baibol Ẹdo) Version 1996

⁸ Osanobua viọ iran ke Igipt ladian, ọ gbinna ne iran zẹ vbe ede, iran minọ avbe eghian iran re, iran dunmwu ugboloko iran an, iran vbe rẹnkhẹn iran.

Nọmbas 24:8 Iomraidhean Croise

Psalm 2:9

U gha ya umọmọ rẹnkhẹn iran, u gha zagha iran kua ukhiọnmwẹ, zẹ vbe akhe.’ ”

Psalm 21:12

Ọ gha ya ifẹnmwẹ ọnrẹn filo iran. Ọ gha ya iran fi ọdelegbe, iran ghi lẹ.

Psalm 45:5

Ifẹnmwẹ ruẹn wa mu, iran ha ẹkoko udu eghian ruẹn gberra avbe agbọn ẹvbo ghigha dele ye owẹ ruẹ.

Psalm 45:6

Arriọba ne Osanobua mu ne uẹn, gha rrọ ẹdẹ kevbe ẹdẹdẹmwẹdẹ, wẹ ghi gha ya ẹmwata rriọba avbe emwa ruẹn.

Ẹksọdọs 23:22

Sokpan deghẹ wa họn ẹmwẹ ọnrẹn wa na vbe gha ru emwi hia ne I khare, I gha gu eghian uwa hia gbinna, I ghi mu aro igbinna da iran.

Aizaia 38:13

I ye asọn hia viẹ eve obalọ vbene a miẹn wẹ te oduma guọghọ ugboloko mwẹ. I te gha ro ighe te Osanobua rhie ufomwẹ ye ẹdẹ mwẹ.

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Jerimaia 50:9

I ra ya bọ avbe uhunmwu ẹvbo eso ni wegbe vbe odẹ okuọ yọ ne iran dekun e Babilọn. Iran gha mwamwa egbe ye okuo ghe ẹvbo nii, iran ghi khọn rẹn, ohuẹ ni guee ẹsẹse ọ re iran khin, iran ni fi ifẹnmwẹ nẹi ba emwi ku.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Nọmbas 14:9

Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Nọmbas 21:5

Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”

Nọmbas 23:22

Osanobua viọ iran ke otọ Igipt ladian nẹ; ọ kevbe gbinna ne iran zẹ vbe ede,

Nọmbas 23:24

Te ẹvbo Izrẹl yevbe oduma ne ọ mwẹ ẹtin, ọ ma gbe yanghan re nẹ, ẹ i hẹwẹ, ọ te wọn esagiẹn iran ne irẹn gbele.”

Matiu 2:15

Evba iran gha ye Hẹrọd to do wu. Ọna sunu ne ẹmwẹ ne Nọyaẹnmwa la unu akhasẹ guan miẹn ehe na sẹ wẹẹ, “Mẹ tie ovbi mwẹ ke Igipt rre.”

Diuteronomi 32:23

“ ‘I gha gie ọkhọ ne ẹ i mwẹ ọfo rruan iran, I ghi filo ifẹnmwẹ mwẹ hia gie iran.

Diuteronomi 32:42

Esagiẹn iran gha ke ifẹnmwẹ mwẹ lẹ ye otọ, umozo mwẹ gha gbele iran hia ighẹ iran ni gbe odan ghe mwẹ, mẹ i ra fan emwa ni gun mwẹ gbinna fua. Uhin ighẹ iran ni miẹn ikuanegbe kevbe eseghan gha wulo.’

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 2:10

Ma họn vbene Nọyaẹnmwa ka okun Nọ Baa hẹ vbe odaro uwa vbe uwa kpa hin Igipt rre. Ma họn ẹn vbe ne uwa gbele avbe ọba eva ọghe Amọri, Saihọn kevbe Ọg, vbe odẹ ahọ ọghe Jọdan, ke ẹe kevbe ivbiyokuo iran.