Nọmbas 24:7 - Edo Bible (E Baibol Ẹdo) Version 1996

⁷ Amẹ gha wa rhọ ne iran ẹsẹse iran kọ emwi okọ iran ye otọe ne ọ rọkhọe ọba iran gha kpọlọ sẹ Agag, arriọba ẹre gha kpolo, ọ gha tan la erhan la irri

Nọmbas 24:7 Iomraidhean Croise

II Samuẹl 5:12

Ẹre e Devid na do rẹn wẹ te Nọyaẹnmwa gele ka irẹn uhe ye ukpo zẹ vbe ọba Izrẹl, ọ kevbe gie arriọba irẹn gha ma rhunmwuda emwa rẹn.

I Ọba 4:21

Otọe arriọba e Solomọn keghi ke Ẹzẹ e Yufretes vbe odọ ahọ, ya sẹ Filistia vbe odẹ orrie kevbe rhinrin yasẹ okhiẹ Igipt. Iran kegha ha igho uhunmwu gie ẹe, iran na vbe gha rre ototọ ẹre vbe ẹdẹ agbọn rẹn hia.

I Ọba 5:1

Ke Omuhẹn gha dee, ọse Devid ọre Hiram ne ọba Taia gha khin, ọ ghi họn wẹ e Solomọn rriọba lele Devid ne erha ẹe, ọ keghi gie ukọ bu ẹre gha khian.

I Krọnikol 14:2

Evba ọre Devid na rẹn wẹ te Nọyaẹnmwa ka irẹn uhe ye aga zẹ vbe ọba Izrẹl, ọ Kevbe gie arriọba ẹre gha maa, rhunmwuda emwa rẹn.

Ẹzra 4:20

Avbe ọba ni mwẹ ẹtin ka vbe rriọba vbe evba yi, iran na gha kha yan ehe ne otọe Orrie Yufretes sẹe ke ne ọ rhan mwẹ hia, iran keghi vbe gha koko igho otọ.

Ẹsta 3:1

Ọ ghi kpee fua kherhe, e Kzakzis ne ọba keghi rhie okpia ọkpa ne a tie ẹre Haman ye ukpo iyasẹ. E Haman na kegha re ovbi e Hamedata ne ovbi uniẹn Agag.

Psalm 18:43

U miẹn mwẹ fan vbe obọ avbe isọtẹ u keghi ya mwẹ khian ne ọ khaemwisẹ yan avbe uhunmwu ẹvbo. Avbe emwa ne imẹ ma rẹn, khian ni ga gun mwẹ.

Psalm 68:26

“Wa rho Osanobua vbe ehe ne avbe emwa rẹn ni do iko ye wa rho e Nọyaẹnmwa wa ne ivbi uniẹn ẹ Jekọb hia!”

Psalm 72:11

Avbe ọba hia gha vbẹrre vbe odaro ẹre; avbe agbọn ẹvbo hia gha ga ẹe.

Psalm 89:27

I gha ya ẹe ru ovbi mwẹ nokpia ne ọdiọn, ne ọ kpọlọ sẹ vbe uwu avbe ọba hia.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Aizaia 30:25

Vbe ẹdẹ nii ne obọ gha vba owa ọkhẹ igbinna avbe eghian uwa ya mu, a na vbe gbele emwa iran, ẹzẹ gha lẹ ke dọmwadẹ oke nekhua kevbe avbe oke negiẹrẹ ladian.

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 51:13

Ẹvbo nii mwẹ ẹzẹ ni bun kevbe emwi ẹfe nibun, sokpan, ẹdẹ ọre gba nẹ. A fian irri uwa ẹre fua nẹ.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Nọmbas 24:20

Ẹre Balam na vbe miẹn emwa Amalẹk vbe umian, ọ na kha wẹẹ: “Amalẹk ọ te re ẹvbo ne ọ wegbe sẹ ehia, sokpan vbe okiekie, ọ gha fuẹn uan ẹdẹdẹmwẹdẹ.”

Iyẹn ne ọ Maan Ọghe Jọn 1:49

Nataniẹl wanniẹn wẹẹ, “Ọmaemwaemwi, Ovbi Osanobua ọre u khin, wẹ ọrọre Ọba Izrẹl.”

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 17:1

Ọkpa vbe uwu avbe odibosa ihinrọn, ne egboghogbogho gha gue nii, keghi bu mwẹ gha dee do tama mwẹ wẹẹ, “Larre, ne I do rhie maa ruẹn vbene a ra ya rri ọre oya hẹ ighẹ ogiete ebabotu nii, ẹvbo nọkhua nii ne a bọ ye ọkpẹn avbe ẹzẹ ni bun.

Arhie Maan 17:15

Odibosa nii keghi vbe tama mwẹ wẹẹ, “Amẹ ne u miẹn ne ebabotu ni tota yan kegha re ẹbu kevbe agbọn ẹvbo kevbe ẹvbo ne a zẹ.

Arhie Maan 19:16

A keghi gbẹnnẹ avbe ẹmwẹ na ye ẹwu ne ọ yọe kevbe owẹ ọre wẹẹ, “Ọba avbe iran ne ọba kevbe Nọyan iran ni yaẹn emwa.”