Nọmbas 24:6 - Edo Bible (E Baibol Ẹdo) Version 1996

⁶ ọ ye vbe ọgbagba ne ọ taẹn ọghe udin, ra ogba obobo nọ rre ọkpẹn ẹzẹ zẹ vbe erhan alọe ne Nọyaẹnmwa kọe. Ra avbe sida ni rre ọkpẹn ẹzẹ.

Nọmbas 24:6 Iomraidhean Croise

Gẹnẹsis 13:10

Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra).

Psalm 1:3

Iran yevbe erhan ni zọ vbe ọkpẹn ẹzẹ, ni vbe mọ ye ẹghẹ, ne ebe ẹre i vbe kaka.

Psalm 104:16

Amẹ rhọ yan isida e Lebanọn ẹsẹse, erhan ọghe Nọyaẹnmwa ne irẹn tobọre kọe.

Psalm 45:8

Uwinhinmwẹ oziya kevbe alọe rre ukpọn ruẹn; avbe ikpezikẹn ghi gha ku ne uẹn ghe, vbe uwu ẹguae ruẹ ne a ye akọn eni tee.

Ihuan Ne Ọ Sọọ Ihuan Hia 6:11

Uwu ẹbu erhan ni kọnkọn ọ re I ke tuorre dee ne I do ghe ivbi erhan ni rre iya, ne I do ghe ebe ọgbọn ne azara họnrẹn kevbe obobo erhan ighee.

Aizaia 41:19

I gha gie erhan sida zọ vbe uwu ato, avbe ohia kevbe agba kevbe erhan oliv. Ẹgbo gha wan ladian vbe otọ ne ọ dihoi rua. Ẹgbo ọghe uwọwẹ, ọkhuẹn kevbe ovbiakhẹ.

Aizaia 58:11

Ẹghẹ hia mẹ gha ya gha su uwa, I ghi ya emwi ni maa sẹ uwa ọkẹn I gha gie uwa wegbe, egbe ghi vbe rran uwa. Wa gha yevbe ogba ebuwọnmwẹ ne amẹ mobọ ye, zẹvbe ovbi ẹzẹ ne amẹ i na ka ẹdẹ.

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Jerimaia 31:12

Iran gha rre do so ihuan oghọghọ vbe uhunmwu Oke Zaiọn emwi ne I ya ne iran gha yẹ iran vbe ihaoko ọka, ayọn kevbe ofigbọn oliv, ihaoko ọghe ohuan kevbe ẹmila. Iran gha yevbe ogba ne a gbe amẹ khakha ẹsẹse emwi ne iran a rhirhi gha ho hia gha sẹ iran obọ.

Ezikiẹl 47:12

Erhan ughughan gha zọ vbe obọ eva vbe ọkpẹn ẹzẹ nii ne iran gha rhie evbare ne a re rre. Ebe iran i ra kaka ẹdẹ, a i vbe miẹn wẹ iran dobọ umọmwẹ yi. Uki uki ọre iran gha ya gha mọ ọmọ ọgbọn, rhunmwuda, ẹzẹ ne ọ ke uwu Ọgua Osa lẹ rre, ọ re ọ rhie amẹ ne iran. Ọmọ ne iran mọẹn, a ghi gha rri ọe, ebe ni rrọ ghi gha re ukhunmwu ne a ya sinmwi emwa.”

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Nọmbas 24:5

Avbe owa ukpọn ivbi Izrẹl wa ye mosee