Nọmbas 24:5 - Edo Bible (E Baibol Ẹdo) Version 1996

⁵ Avbe owa ukpọn ivbi Izrẹl wa ye mosee

Nọmbas 24:5 Iomraidhean Croise

Nehimaia 13:2

Emwi ne ọ sii ọna ọrọre wẹ ivbi Amọn kevbe ivbi e Moab ma rhie evbare ne ivbi Izrẹl, iran ma vbe sa amẹ ne iran wọn vbe ẹghẹ ne iran na gha ke otọe Igipt dee. Sokpan, iran keghi rhie igho ne Balam ne ọ do fi ivbi Izrẹl unu, sokpan Osanobua mwa keghi fi ihẹn ni werriẹ khian erhunmwu.

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Ẹksọdọs 38:21

Vbene a ka ẹe hẹ ighẹ ẹrọnmwọ ne a lo ro vbe Ehe Nọhuanrẹn vbe Owa Ukpọn ehe ne Nọyaẹnmwa ye ọ re ena khin, ehe ne a viọ avbe uhanhan ne a gbẹnnẹ uhi Igbe yi e Mosis ọre ọ ta ẹe vbene a gha ru ẹe hẹ, avbe Livai keghi ru ẹe vbene Itama, ne ovbi Errọn ne ohẹn na gha ma iran re vbene a gha ru ẹe hẹ.

Ihuan Ne Ọ Sọọ Ihuan Hia 4:7

A miẹn vbene u mose hẹ enida mwẹ; a miẹn vbe u ye kereghede hẹ!

Ihuan Ne Ọ Sọọ Ihuan Hia 6:4

Enida mwẹ u ye mose mose vbe Tiza u wa mose zẹvbe ore Jerusalẹm u keghi re ọyunnuan vbene avbe ẹvbo na ye.

Levitikọs 23:42

Ivbi Izrẹl hia ghi di uwu irhu ne a gbe ya la ikpẹdẹ ihinrọn.

Malakai 2:12

Te Nọyaẹnmwa gha yuo emwa ni ru egbe emwi vbenian kua hin uwu ẹbu ivbi Izrẹl rre, ne ọ ghẹ ghi vbe gie iran mwẹ oghae vbe emwi ne ẹvbo mwa do ya gha ha oko gie Nọyaẹnmwa ne Oghodua.

Nọmbas 2:34

Ivbi Izrẹl keghi ru emwi hia ne Nọyaẹnmwa tama e Mosis. Iran kegha bu agọ dọmwadẹ ọghe ọe vbe ototọ asa ọghe ọe, iran kegha khian dọmwadẹ ọghe ọe ke ẹe kevbe ẹwae ọghe ọe.

Nọmbas 24:2

Ọ na bẹghe ivbi Izrẹl vbe ehe ne dọmwadẹ ẹwae na bu agọ. Orhiọn Osanobua ke hin yan rẹn.

Nọmbas 24:4

Ne ọ vbe sẹtin họn vbene Osanobua kha hẹ. I rhan aro a gbadaa, I ke ya bẹghe vbe umian, emwi ne Osanobua Ne Oghodua mu mẹ ghe.

Nọmbas 24:6

ọ ye vbe ọgbagba ne ọ taẹn ọghe udin, ra ogba obobo nọ rre ọkpẹn ẹzẹ zẹ vbe erhan alọe ne Nọyaẹnmwa kọe. Ra avbe sida ni rre ọkpẹn ẹzẹ.

Diuteronomi 33:29

Izrẹl, a miẹn uwa ne u ghi ye ọmwa ne ọ yevbe ruẹ i rrọọ, ẹvbo ne Nọyaẹnmwa miẹnfan. E Nọyaẹnmwa tobọ re ọrọre asa kevbe umozo ọwua ne ọ gha degue ruẹ do khọnmiotọ ne uẹn. Eghian uwa gha rre do rinmwian ye itohan, wẹ gha ye owẹ rrilo iran mu otọ.”

Jọsua 24:10

Sokpan mẹ ma danmwẹ ehọ e Balam, rhunmwuda ọnii, rẹn keghi na erhunmwu ne uwa, ọ re I na miẹn uwa fan vbe obọ Balak.