Nọmbas 23:3 - Edo Bible (E Baibol Ẹdo) Version 1996

³ Ẹre Balam na khama e Balak wẹẹ, “Mudia ke emwi izọ ẹse ruẹ vbe emwa, mẹ ra ya ghe de ghẹ Nọyaẹnmwa gha bu mwẹ rre. I gha tama ruẹn emwi ne ọ rhirhi a mu ma mwẹ.” Ọ re irẹn ọkpa na gha rrie uhunmwu oke.

Nọmbas 23:3 Iomraidhean Croise

Gẹnẹsis 22:13

Ebraham ghi tọn aro mu, ọ ke bẹghe ogho ọkpa ne ẹti gbalọ ẹre igho. Ọ na ya muẹn, ọ na ya zọ ese na giẹn uan ye ihe ovbi ẹre nokpia.

Gẹnẹsis 22:2

Osanobua keghi kha wẹẹ, “Rhie ovbuẹ, ovbuẹ ne ukpọmọkpa ighẹ Aizik ne u ho ẹmwẹ ọnrẹn, ne u gha rrie otọ Moraia. U ghi ya yae zọ ese na giuan, vbe uhunmwu oke ne I gha rhie ma ruẹn.”

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

Ẹksọdọs 18:12

Ẹre Jẹtro na ya viọ ese gie Osanobua, kevbe emwi imuohan ne a gha giẹn; Errọn kevbe avbe ekaolotu ivbi Izrẹl hia keghi lele orruan e Mosis ne okpia gha dee do rri evbare iruemwi nii zẹ vbe emwi ne a ya ga.

Levitikọs 1:1

E Nọyaẹnmwa keghi datie Mosis ke uwu Owa Ukpọn e Nọyaẹnmwa rre, ọ na viọ avbe uhi na ne ẹẹn wẹẹ,

Nọmbas 23:12

Rẹn keghi wanniẹn wẹẹ, “Ẹmwẹ ne Nọyaẹnmwa wẹ ne I ta ọkpa ọre I sẹtin ta.”

Nọmbas 23:15

E Balam keghi khama Balak wẹẹ, “Mudia ke ese na giẹn uan ruẹn vbe emwa, mẹ ra ya vba e Nọyaẹnmwa vbe odẹ.”

Nọmbas 23:2

E Balak keghi ru vbene a tama rẹn, irẹn kevbe Balam keghi ya ẹkhuia ọkpa kevbe ogho ọkpa zọ ese vbe aka ọkpọkpa.

Nọmbas 23:26

E Balam keghi wanniẹn wẹẹ, “Mẹ ma tama ruẹn ra wẹ emwi ne Nọyaẹnmwa tama mwẹ hia ọre I khian ru?”

Nọmbas 23:4

Osanobua keghi do vba ẹre. E Balam keghi khama rẹn wẹẹ, “I bọlọ nene aka ihinrọn nẹ, I keghi vbe ya ẹkhuia ẹmila ọkpa ke ogho ọkpa zọ ese vbe ọkpọkpa vbọ.”

Nọmbas 24:1

Ẹghẹ na nian, e Balam rẹn nẹ wẹ te Nọyaẹnmwa wẹ ne iran gha na erhunmwu ne ivbi Izrẹl, rhunmwuda ọnii, ọ ma ghi vbe gualọ ama vbene ọ ka ru ẹe dee ẹdẹ. Ọ keghi mu aro da odẹ ato.

Matiu 4:8

Iyeke ọnii, Esu keghi mu Jesu gha rrie uhunmwu oke ne ọ yo ẹsẹse, ọ keghi rhie arriọba otọ agbọn hia ma rẹn, ehe ne ọ sẹe, ehe ne ọ rhanmwẹ, ọ tama rẹn wẹẹ,

Jọsua 24:10

Sokpan mẹ ma danmwẹ ehọ e Balam, rhunmwuda ọnii, rẹn keghi na erhunmwu ne uwa, ọ re I na miẹn uwa fan vbe obọ Balak.