Nọmbas 23:12 - Edo Bible (E Baibol Ẹdo) Version 1996

¹² Rẹn keghi wanniẹn wẹẹ, “Ẹmwẹ ne Nọyaẹnmwa wẹ ne I ta ọkpa ọre I sẹtin ta.”

Nọmbas 23:12 Iomraidhean Croise

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Itan 26:25

Ẹmwẹ ni sẹtin gha rhiẹnrhiẹn, sokpan, ghẹ ya ẹe yi rhunmwuda te ẹko rriaramwẹ wa vuọn re ẹko do sẹ ẹkpurhu.

Nọmbas 22:20

Vbe asọn nii, Osanobua keghi bu e Balam gha dee, ọ tama rẹn wẹẹ, “Deghẹ te iran na do tama ruẹn wẹ ne u lele iran gha khian, mu egbe ne u lele iran gha khian, sokpan emwi ne I tama ruẹn ne u ru ọkpa ọ re u gha ru.”

Nọmbas 22:38

E Balam keghi wanniẹn wẹẹ, “I rre, ra I ma rre? Sokpan de ẹtin ne I mwẹ yi? Emwi ne Osanobua tama mwẹ ọkpa ọre I gha sẹtin ta.”

Nọmbas 23:13

Ẹre Balak na khama e Balam wẹẹ, “Lele mwẹ gha die ihe ọvbehe ne u gha na sẹtin bẹghe eso vbe uwu iran ne ivbi Izrẹl kẹkan. U ghi ke evba fi iran unu mẹ.”

Nọmbas 23:20

Erhunmwu ọre a we mwẹ na Osa gha na erhunmwu nẹ, mẹ i sẹtin kie ẹre werriegbe. Iran wewẹ wẹ irẹn ọre ọba iran.

Nọmbas 23:26

E Balam keghi wanniẹn wẹẹ, “Mẹ ma tama ruẹn ra wẹ emwi ne Nọyaẹnmwa tama mwẹ hia ọre I khian ru?”

Nọmbas 23:3

Ẹre Balam na khama e Balak wẹẹ, “Mudia ke emwi izọ ẹse ruẹ vbe emwa, mẹ ra ya ghe de ghẹ Nọyaẹnmwa gha bu mwẹ rre. I gha tama ruẹn emwi ne ọ rhirhi a mu ma mwẹ.” Ọ re irẹn ọkpa na gha rrie uhunmwu oke.

Nọmbas 24:13

ọ gha khọn ruẹn ne u viọ esiliva kevbe igoru ni rre ẹguae ruẹ hia mẹ, mẹ I ra rhie obọ gberra iyi ọghe Nọyaẹnmwa ne I ya gha ru ọghe obọ mwẹ. Emwi ne Nọyaẹnmwa tama mwẹ ọkpa ọre I ra gha ta.”

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.