Nọmbas 23:10 - Edo Bible (E Baibol Ẹdo) Version 1996

¹⁰ Uniẹn ivbi Izrẹl ye vbe ikpekhae ne otọ. Iran bun gbe, ẹ i gia ka. Gie ufomwẹ ẹdẹ agbọn mwẹ yevbe ọghe ọkpa vbe emwa Osanobua gun mwẹ wu vbe ọfumwegbe zẹ vbe ọmwa ẹmwata.”

Nọmbas 23:10 Iomraidhean Croise

Gẹnẹsis 13:16

I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ!

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

Psalm 116:15

Ọ kakabọ da e Nọyaẹnmwa vbe okpa vbe uwu avbe emwa rẹn a wu!

Psalm 37:37

Yi ọmwa esi ẹro, gbe aro kotọ vbe egbe ọmwata ọmẹhẹ mwẹ ivbi igiogbe ọre,

Itan 14:32

Emwi dan ne emwa dan ru ọ re iran ya gbe egbe iran; sokpan uyinmwẹ ekhọe esi ọ re ẹmwata ya da egbe yi.

Nọmbas 31:8

Kevbe avbe ọba Midian isẹn ni re Evi, Rekẹm, Zọ, Họ kevbe Reba. Iran keghi vbe gbe Balam ne ovbi Beọ.

II Kọrinti 5:1

Rhunmwuda, ma rẹnrẹn wẹ, okhogbo ne ima ye na ọnii ọre egbe ne ima mwẹ vbe agbọn na — a gha sin ẹnrẹn kua nẹ, Osanobua gha rhie owa ne ima gha ye vbe ẹrinmwi, ne irẹn tobọ ẹre bọe, owa ne ọ gha rrọọ rhinrin ẹdẹdẹmwẹdẹ.

Arhie Maan 14:13

Iyeke ọnii, I keghi họn urhu ọkpa ke ẹrinmwi rre wẹ, “Gbẹn emwi na ye otọ. Ọ maa ne iran ni wulo nẹ, iran ni gha wulo vbe uwu iwinna Nọyaẹnmwa ke eban kpao!” Orhiọn nii keghi wanniẹn wẹ, “Erriọ zẹẹ wa nọ. Iran gha ghọghọ ye ne iran na kẹtin vbe uwu iwinna ne ọ wo vbe egbe, rhunmwuda ere iwinna ne iran winnaẹn ọre iran rhie mwẹ obọ.”