Nọmbas 23:1 - Edo Bible (E Baibol Ẹdo) Version 1996

¹ Ọ keghi khama e Balak wẹẹ, “Gba aka ihinrọn ye emwa mẹ ne u viọ ẹkhuia ẹmila ihinrọn kevbe ogho ihinrọn rre.”

Nọmbas 23:1 Iomraidhean Croise

II Ọba 18:22

Avbe ekaokuo Asiria keghi ye rhie te ẹe wẹẹ, “Ra te u ghi ra tama ima ighẹ e Nọyaẹnmwa ne Osanobua uwa ọ re u mu ẹtin yan? Te Hẹzekaia dunmwu ehe ne a na gho e Nọyaẹnmwa hia a, kevbe aka ẹre hia, ọ na tama ivbi e Juda kevbe Jerusalẹm wẹ e Jerusalẹm ọkpa ọ re iran hia gha na gha ga.

I Krọnikol 15:26

Iran keghi ye ẹmila ihinrọn kevbe ohuan ihinrọn zọ ese ne aro miẹn ehe na daa ẹe ighẹ Osanobua gha yi iran obọ ighẹ avbe Livai ni mu Ẹkpẹti nii.

II Krọnikol 29:21

Iran keghi viọ ẹkhuia ẹmila ihinrọn ohuan ihinrọn, oteghe ohuan ihinrọn kevbe ẹwe ihinrọn zẹ vbe emwi izọ ese ne a ya kpe orukhọ ẹgbẹe ọba kua. Ọba keghi tama avbe ohẹn ni re ivbi uniẹn Errọn ne iran ya avbe aranmwẹ nii zọ ese vbe Ogiukpo.

Job 42:8

Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”

Ẹksọdọs 20:24

Wa ya ekẹn ma aka mẹ, wa ghi gha zẹ ese rua ne a giẹn uan ke ẹe kevbe ese ne a gba zọ ọghe uwa, kevbe ohuan kevbe ẹmila rua. Eheikehe ne I rhirhi a kha ma uwa ne uwa na gha ga mwẹ, I gha rre do gha fiangbe uwa vbe evba.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Ezikiẹl 45:23

Vbe uwu ikpẹdẹ ihinrọn ne emwiukpo nii gha ya vbe otọ, ọ ghi gha ya ẹkhuia ẹmila ne ẹ i mwẹ okan ihinrọn zọ ese ẹdẹgbegbe ghe Nọyaẹnmwa, a ghi wa gha gien ikun ẹnrẹn ohoho. Ọ ghi vbe gha ya ovbukhọ ọkpọkpa zọ ese ye orukhọ ẹdẹgbegbe.

Nọmbas 22:41

Owiẹ ne ọ lelẹe, e Balak keghi rhie Balam gha rrie uhunmwu oke Bamot Bal. E Balam keghi sẹtin ke evba bẹghe eso vbe ivbi Izrẹl.

Nọmbas 23:2

E Balak keghi ru vbene a tama rẹn, irẹn kevbe Balam keghi ya ẹkhuia ọkpa kevbe ogho ọkpa zọ ese vbe aka ọkpọkpa.

Nọmbas 23:29

E Balam keghi tama rẹn wẹẹ, “Gba aka ihinrọn mẹ vbe emwana ne u vbe viọ ẹkhuia ẹmila ihinrọn kevbe ogho ihinrọn gun mwẹ.”

Nọmbas 23:30

E Balak keghi ru vbene a tama rẹn. Ọ keghi ya ẹkhuia ẹmila ọkpa zọ ese ye aka ọkpọkpa.

Nọmbas 29:32

Vbe ikpẹdẹ ne ogihinrọn, u ghi ya ivbi ẹkhuia ẹmila ihinrọn zọ ese, kevbe ogho eva deba ivbi ogho iwenẹ ni he rre ukpo ọkpa ehia ghi gha rre ne ẹ i mwẹ ozan.

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.