Nọmbas 22:8 - Edo Bible (E Baibol Ẹdo) Version 1996

⁸ E Balam keghi tama iran wẹẹ, “Wa gbe asọn na vbe emwa, I gha tama uwa akhuẹ vbe ne Nọyaẹnmwa a rhirhi tama mwẹ hẹ.” Ẹre avbe ọkaolotu e Moab na tota ke Balam.

Nọmbas 22:8 Iomraidhean Croise

I Ọba 13:8

Akhasẹ ni keghi wanniẹn wẹẹ, “A gha rhe wẹ te u wa ẹfe ruẹ hia ye ihe eva, u na mu obọ ọkpa mẹ vbọ, I i lele uẹ rae ra ne I guẹ re ra ne I guẹ da.

I Ọba 22:14

Sokpan, e Makaia keghi kha wẹẹ, “Vbe eni e Nọyaẹnmwa, emwi ne Nọyaẹnmwa tama mwẹ ọre I ra ta.”

Jerimaia 12:2

U gbọ iran, iran keghi zẹlẹ inian iran wan rẹn, iran keghi mọ. Ẹghẹ hia iran ya so eni ruẹn ne ọ maa sevba, iran i mobọ zẹ ye uwẹ re.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.

Nọmbas 22:18

Sokpan e Balam keghi wanniẹn wẹẹ, “Ọ gha khọn e Balak ne ọ viọ igoru kevbe esiliva hia ni rre ẹguae ẹre mẹ, mẹ i ra sẹtin rhie obọ gberra ẹmwẹ ne Osanobua mwẹ tama mwẹ uhin ya se egbe emwi ne ọ kanmwa sẹ.

Nọmbas 22:38

E Balam keghi wanniẹn wẹẹ, “I rre, ra I ma rre? Sokpan de ẹtin ne I mwẹ yi? Emwi ne Osanobua tama mwẹ ọkpa ọre I gha sẹtin ta.”

Nọmbas 22:7

Ẹre avbe ọkaolotu Moab ke Midian na viọ igho ne iran gha ya ha osa ne ẹẹn vbe ọ gha fi iran unu mwẹ obọ, iran keghi bu e Balam gha khian, iran na ya tama rẹn vbene Balak gie.

Nọmbas 22:9

Osanobua keghi bu e Balam gha dee, ọ nọ rẹn wẹẹ, “De emwa ni rre ehe ne u ye na yi?”

Nọmbas 23:12

Rẹn keghi wanniẹn wẹẹ, “Ẹmwẹ ne Nọyaẹnmwa wẹ ne I ta ọkpa ọre I sẹtin ta.”

Nọmbas 23:3

Ẹre Balam na khama e Balak wẹẹ, “Mudia ke emwi izọ ẹse ruẹ vbe emwa, mẹ ra ya ghe de ghẹ Nọyaẹnmwa gha bu mwẹ rre. I gha tama ruẹn emwi ne ọ rhirhi a mu ma mwẹ.” Ọ re irẹn ọkpa na gha rrie uhunmwu oke.

Nọmbas 24:13

ọ gha khọn ruẹn ne u viọ esiliva kevbe igoru ni rre ẹguae ruẹ hia mẹ, mẹ I ra rhie obọ gberra iyi ọghe Nọyaẹnmwa ne I ya gha ru ọghe obọ mwẹ. Emwi ne Nọyaẹnmwa tama mwẹ ọkpa ọre I ra gha ta.”