Nọmbas 22:5 - Edo Bible (E Baibol Ẹdo) Version 1996

⁵ na gie emwa ni iran ya tie Balam ne ovbi Beọ, ne ọ rre Petọ vbe ọkpẹn Ẹzẹ Yufretes vbe otọ Amọn rre. Iran keghi tama rẹn wẹẹ: “I ho ni guẹ rẹn wẹẹ agbọn ẹvbo hoho wa ke Igipt gha die emwa na, iran vẹ la ehe hia iran ra gbe ima miẹn ima otọ mwa.

Nọmbas 22:5 Iomraidhean Croise

Gẹnẹsis 13:16

I gha viọ uniẹn nibun nuẹn, iran gha bun sẹrriọ wẹ a i miẹn ọmwa ne ọ gha sẹtin ka iran zẹ vbe ne a i miẹn ọmwa ne ọ gha sẹtin ka ikpẹ ekhae ne otọ!

Psalm 105:24

E Nọyaẹnmwa keghi viọ emọ nibun ne emwa rẹn, ọ keghi gie iran wegbe vbe egbe sẹ eghian iran.

Ẹksọdọs 10:15

Iran keghi wa rhu gba otọ sẹrriọ ne ehia ghi na biua nunuunu. Iran na rri emwi ne ọ ghi zọ nẹ vbe otọe nii, ke vbe ọmọ erhan hia ne avan ne ukhumwu ghi fi yi. Emwi ọkpa ne ọ mwẹ ebe ne a ghi sẹrae i rrọọ vbe erhan kevbe irunmwu nii rre otọe Igipt.

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Nọmbas 23:7

E Balam keghi guan ẹmwẹ akhasẹ na wẹẹ, “E Balak ne ọba e Moab ọ re ọ rhie mwẹ ke Siria ne ẹvbo oke ne odẹ ahọ gha dee. Ọ keghi kha wẹẹ, ‘Larre do gun mwẹ guan, fi avbe emwa Izrẹl unu.’

Nọmbas 31:8

Kevbe avbe ọba Midian isẹn ni re Evi, Rekẹm, Zọ, Họ kevbe Reba. Iran keghi vbe gbe Balam ne ovbi Beọ.

Diuteronomi 23:4

“Ẹghẹ ne uwa na gha kpao vbe Igipt rre, iran ma rhie evbare ne uwa, iran ma sa amẹ ne uwa wọn, iran ke ya tie Balam ne ovbi Beọ ne ovbi Petọ ne Mẹsopotamia rre ne ọ do fi uwa unu.

Diuteronomi 23:5

Sokpan e Nọyaẹnmwa Osanobua rua ma zẹ ye Balam re, sokpan, ọ keghi ya ihẹn ni khian afiangbe rhunmwuda, ọ ho ẹmwẹ uwa.

Jọsua 13:22

Usun emwa nii ivbi Izrẹl gbele ọ re ọ ye ighẹ Balam ne ọba, ovbi Beọ.

Jọsua 24:9

Ẹre Balak ne ovbi e Zipọ ọba e Moab na gu uwa gha khọn. Ọ keghi gie uhunmwu gie Balam ne ovbi Beọ, ọ na wẹ ne ọ fi uwa unu.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.