Nọmbas 22:1 - Edo Bible (E Baibol Ẹdo) Version 1996

¹ Ivbi Izrẹl ghi si okhian, iran na ya yakọ vbe otọ ne ọhẹnhẹn ọghe Moab, vbe odẹ ahọ ọghe Jọdan ne ọ mu aro da Jẹriko.

Nọmbas 22:1 Iomraidhean Croise

Jerimaia 40:11

Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Nọmbas 21:20

Iran keghi ke Bamot kpao gha rrie iya ne ọ rre otọe Moab vbe ototọ Oke Pisga ne a ke ghe ato.

Nọmbas 26:3

E Mosis kevbe Eliaza keghi ru vberriọ. Iran keghi si avbe emwa nii hia nii rre ikpugie kevbe ni sẹẹ ọnii koko. Iran keghi si koko vbe otọ ne ọhẹnhẹn ọghe Moab ne ọ rre iyeke Jọdan vbe a gha la Jẹriko la rọ. Iran na ọrọre ivbi Izrẹl ni ke Igipt ladian.

Nọmbas 31:12

Iran na viọ iran bu e Mosis kevbe Eliaza kevbe emwa Izrẹl gha dee, emwa ni rre agọ vbe otọe ne ọ rrie ọghe Moab vbe a gha fian Jọdan rra vbe Jẹriko.

Nọmbas 32:19

Ma i ra yan emwikemwi vbe uwu emwi ewe ni rre iyeke Jọdan, rhunmwuda ọghe ima sẹ ima obọ nẹ vbe emwa vbe odẹ ahọ ọghe Jọdan.”

Nọmbas 34:15

Vbe odẹ ahọ ọghe Jọdan, ehe ne ọ na mu aro da e Jẹriko!”

Nọmbas 35:1

A ghi sẹ otọe nọ rriẹe ọghe Moab vbe iyeke Jọdan vbe a gha ke Jẹriko fian ẹn rra, e Nọyaẹnmwa keghi tama e Mosis wẹẹ,

Nọmbas 36:13

Enena ọrọre emwamwa kevbe ilele ne Nọyaẹnmwa viọ ne Mosis viọ ne ivbi Izrẹl vbe avbe otọe ne ọ rriẹe ọghe Moab vbe a la Jẹriko fian Ẹzẹ Jọdan rra.

Diuteronomi 1:5

Emwa nii ghi rre odẹ ahọ Jọdan vbe otọe Moab, e Mosis keghi suẹn gha rhan otọ uhi kevbe iruẹmwi ọghe Nọyaẹnmwa.

Diuteronomi 3:8

“Ẹre a na miẹn wẹ ẹghẹ ni ọ re ima na viọ ẹvbo hia ni rre odẹ ahọ Ẹzẹ Jọdan hin obọ avbe ọba Amọri eva rre, kevbe Ẹzẹ Anọn ya sẹ oke Hẹmọn.

Diuteronomi 34:1

E Mosis keghi ke otọe ne ọ rriẹe ọghe Moab gha rrie oke Nebo vbe uhunmwu Oke Pisga vbe odẹ ọghe Jẹriko, evba e Nọyaẹnmwa na rhie otọe Kenan hia ma rẹn: otọe Giliad rhinrin ya sẹ Dan vbe odẹ okun.

Diuteronomi 34:8

Ivbi Izrẹl keghi ye ikpẹde ọgban khiẹ ọre vbe otọe ne ọ rriẹe ọghe Moab. Ẹghẹ ne a ya khiẹ e Mosis keghi fo.

Jọsua 3:16

Amẹ keghi dobọ ulẹmwẹ yi, ọ na hin utete gha rrie odẹ uhunmwu ẹzẹ gban an vbe Adam ne ẹvbo ne ọ rre ọkpẹn Zarẹtan, ulẹmwẹ ẹzẹ ghe ototọ ne ọ rrie Okun Nọwu ke wa gha re ne a yan fua, emwa keghi fian ẹn rra vbe ọkpẹn Jẹriko.