Nọmbas 21:6 - Edo Bible (E Baibol Ẹdo) Version 1996

⁶ Ẹre Nọyaẹnmwa na gie ẹyẹn ne ọ mwẹ obi la uwu ẹbu iran, ẹyẹn keghi salọ nibun vbe uwu ivbi Izrẹl, iran keghi wulo.

Nọmbas 21:6 Iomraidhean Croise

Aizaia 14:29

Ivbi e Filistia, orhokhua ne ọ ya gbele uwa bunnọ, sokpan, emwi ne uwa gha ghọghọ yi i zẹdẹ rrọọ. Ẹyẹn okpa gha wu, ọvbehe ne ọ rhia sẹẹ ọre ghi rhie ihe ẹre. Ekẹn ẹyẹn ghi gbe Ugbogiorinmwi ne ọ tin ladian.

Aizaia 30:6

Ọna ọre uhunmwu ne Osanobua gie vbekpa avbe aranmwẹ ni rre ato odẹ ekẹn: “Avbe ukọ nii khian la ẹvbo dan ne avbe oduma ye kevbe avbe ẹyẹn ni mwẹ obi dan kevbe avbe Ugbogiorinmwi ni tin. Iran keghi kun emwiokọ ighobioye vuọn ekẹtẹkẹtẹ kevbe kamẹl iran ne a viọ gie uhunmwu ẹvbo ne ẹ i mwẹ iyobọ ne ọ gha sẹtin ru.

Jerimaia 8:17

E Nọyaẹnmwa khare wẹẹ, “Wa gbe aro kotọ, I ra viọ ẹyẹn ku uwu ẹbu uwa, avbe ẹyẹn ni mwẹ obi, ne ẹ i gia vbe ta ẹre ohun, iran gha salọ uwa.”

Ezikiẹl 14:15

“Ra, adeghẹ I gie aranmwẹ akọn ne ọ ya gbele emwa nii, ne ọ gha gie otọe nii vuọn ne ẹbe sẹrriọ wẹ a i ghi miẹn ọmwa ne ọ la ẹe gberra.

I Kọrinti 10:9

Wa ghẹ gia danmwẹ e Nọyaẹnmwa ghee, vbene eso ru vbe uwu iran, ne ẹyẹn na gbele iran uan.

Diuteronomi 8:15

Rẹn ọ re ọ su uwa la ato nọkhua ne ọ mu ohan nii, ehe ne avbe ẹyẹn ni mwẹ obi dan ye deba ekpakpahuangan, vbe otọe ne ọ kakae ne hiohioohio nii, ọ keghi tue amẹ ke uwu okuta ladian ne uwa.