Nọmbas 21:2 - Edo Bible (E Baibol Ẹdo) Version 1996

² Ẹre ivbi Izrẹl na do yan emwi ne Nọyaẹnmwa wẹẹ, “U gha gie ima khọn iran na miẹn otọ, ma gha ya iran kevbe ẹvbo iran fi ohan nuẹn, ma ghi fuẹn iran uan.”

Nọmbas 21:2 Iomraidhean Croise

Gẹnẹsis 28:20

Ẹre Jekọb ghi na yan vbe odaro Nọyaẹnmwa Osanobua wẹẹ, “A deghẹ u yaba mwẹ, u na degue mwẹ vbe okhian ne I ye na, u na rhie evbare kevbe ukpọn mẹ,

Psalm 116:18

Vbe ehe ne emwa ruẹn hia gbe ẹbu yi, vbe ehe ne ọ huanrẹn ọghe Ọgua Osa ruẹ vbe Jerusalẹm I gha ha emwi ne I ve ne uẹn. Wa rho e Nọyaẹnmwa!

Psalm 132:2

Nọyaẹnmwa, ye eyan ne ọ yan rẹn rre, emwi ne ọ ve uwẹ ne Osanobua Nọkhua ọghe Jekọb re wẹẹ:

I Kọrinti 16:22

Ọmwaikọmwa ne ọ ma ho ẹmwẹ Nọyaẹnmwa, gha dee! Maranatha — Nọyaẹnmwa, rre!

Diuteronomi 13:15

Wa ghi gbele emwa ni rre ẹvbo nii hia ke ẹmila iran, wa ghi wa fuẹn ẹvbo nii fo fẹẹrẹ.

Diuteronomi 13:16

Wa ghi viọ emwi ne emwa ẹvbo nii mwẹ hia ladian, a ghi do si ẹe yan egbe vbe ughe ẹvbo nii, wa ghi giẹn ẹvbo ni ke emwi hia ni rrọọ zẹ vbe emwi izọese gie Nọyaẹnmwa Osanobua rua. A ghi wa gie ẹe gha re itowa ẹdẹdẹmwẹdẹ, a ghẹ dọlegbe bọe.

Diuteronomi 20:16

“Sokpan, wa gha khọn ẹvbo ni rre otọe ne Nọyaẹnmwa Osanobua khian mu ne uwa. Wa gbele emwa hia ni rrọọ rua.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

Jọsua 6:17

Ẹvbo na kevbe emwi hia ni rre uwu ẹre, a yae fi ohan nẹ ne a fuẹn ọnrẹn uan zẹ vbe emwi ne a ya zọ ese ghe Nọyaẹnmwa. E Rehab ne ebabotu kevbe emwa owa ẹre ọkpa, ọre a ra sẹrae rhunmwuda, ọ keghi viọ emwa ne ima gie ẹre uhunmwu lẹre.

Jọsua 6:26

Vbe ẹghẹ na, e Jọsua keghi wa yan tama iran wẹẹ: “Ọmwaikọmwa ne ọ gha ye wẹ ne irẹn dọlegbe họ ẹvbo na, ihẹn ọghe Nọyaẹnmwa gha rre ọre uhunmwu. “Ọmwa ne ọ gbe ẹyotọ ẹre, ovbi ẹre ne okpia ne ọdiọn gha wu ẹe ọmwa ne ọ bọ onurho ẹre, ovbi ẹre ne okpia ne ọ kotọ gha wu ẹe.”

Giọgis 11:30

E Jẹfta keghi yan ma e Nọyaẹnmwa wẹẹ, “U gha gun mwẹ khọn Amọn miotọ,

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”