Nọmbas 20:5 - Edo Bible (E Baibol Ẹdo) Version 1996

⁵ Vbọzẹ ne uwa na viọ ima ke Igipt ladian gha die ihe ọ rhiae na ne emwi i na zọ? Ọka i rrọ, ohọ i rrọ, ọmọ erhan ayọn ne ọ baa i rrọ, e pomegranẹt i rrọ. Amẹ na wọn kẹkan ẹ i rrọ!”

Nọmbas 20:5 Iomraidhean Croise

Nehimaia 9:21

Ukpo iyeva vbe uwu ato, te u ye viọ emwi ne iran gualọ ne iran ukpọn iran ma yanghan, owẹ ma vbe hinmwian rhunmwuda obalọ.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Ezikiẹl 20:36

I gha bu ohiẹn gbe uwa vbene I vbe bu ohiẹn gbe avbe erha uwa vbe Ato Sainai,” erriọ ọ re Nọyaẹnmwa ne Udazi khare.

Nọmbas 16:14

Vbe ẹmwata, u ma viọ ima gha die otọ nọ maa ra ne u mu oha kevbe ugbo emwi okọ ne ima zẹ vbe ọghomwa, eban nia, u vbe ho ne u mu ima rẹrẹ. Ma i dee!”

Nọmbas 20:24

“Errọn i khian la otọe ne I wẹ I gha mu ne ivbi Izrẹl, rẹn gha wu rhunmwuda, wa eveva sọtẹ uhi mwẹ vbe Mẹriba.

Nọmbas 27:14

Rhunmwuda wa eva ọre ọ sọtẹ uhi mwẹ vbe ẹgbo e Zin. Ẹghẹ ne emwa ni na gha gui ẹzọ uwu unu ghe mwẹ vbe Mẹriba. wa ma kue ne uwa miẹn ẹtin mwẹ nọhuanrẹn kue ma iran.” (Mẹriba ọrọre ẹzẹ ne ọ rre Kedẹs vbe uwu ẹgbo Zin).

Diuteronomi 8:15

Rẹn ọ re ọ su uwa la ato nọkhua ne ọ mu ohan nii, ehe ne avbe ẹyẹn ni mwẹ obi dan ye deba ekpakpahuangan, vbe otọe ne ọ kakae ne hiohioohio nii, ọ keghi tue amẹ ke uwu okuta ladian ne uwa.