Nọmbas 20:3 - Edo Bible (E Baibol Ẹdo) Version 1996

³ Iran na gha gui wẹẹ, “Akpawẹ te ima wa wulo lele ivbi Izrẹl ne ihomwa vbe odaro Owa Ukpọn Ile ọghe Nọyaẹnmwa ọre ọ gha te wa maa sẹẹ.

Nọmbas 20:3 Iomraidhean Croise

Psalm 106:33

Iran keghi ya ohu mu ẹẹn sẹrriọ wẹ ọ na wa gha talọ vbe ne ẹ i na zẹdẹ ka roro ẹe.

Psalm 78:19

Iran keghi ya ukpe gha sakan Osanobua, iran wẹẹ, “Osanobua gha sẹtin rhie evbare rre vbe ato ra?

Ẹksọdọs 17:2

Iran kegha gu e Mosis gui wẹẹ, “Rhie amẹ ne ima wọn.” E Mosis wanniẹn tama iran wẹẹ, “Vbọzẹ ne uwa na gunmwẹ gui yi? Vbọzẹ ne uwa na danmwẹ e Nọyaẹnmwa ghe?”

Eve Orriara 4:9

Iran ne okuo gbele ọ re ọ maa sẹ ni do wulo vbe okiekie emwa ne ohanmwẹ hẹko gbele ua vbene evbare i na rrọ ne ọ gha da iran yi ye agbọn.

Nọmbas 11:1

Emwa nii keghi suẹn gha zuyọn ma e Nọyaẹnmwa vbe ekpa emwi ni ruan iran, ugbẹn vbe Nọyaẹnmwa ghi họn, ohu mu ẹẹn, ọ na gie erhẹn la uwu ẹbu iran ọ kegha giẹn vbe uwu ẹbu iran, ọ na rhia obọ ọkpa rua vbe agọ nii.

Nọmbas 14:3

Vbọzẹ ne Nọyaẹnmwa na viọ ima rrie ẹvbo nii yi? Iran gha gbele ima rua vbe okuo, iran ghi munọ avbe ivbi ima kevbe amwẹ ima oghunmwu viọ gha rrie. Ẹre a wa werriegbe gha rrie Igipt ọre ọ maa sẹ.”

Nọmbas 16:49

Inu emwa ni wulo kegha re iyisẹn yan uri eha ọre ọ ya yan arriaisẹn iwenẹ (14,700) vbe ne a ma na ka iran ni wulo ba ẹmwẹ isọtẹ e Kora ba ẹre.