Nọmbas 20:2 - Edo Bible (E Baibol Ẹdo) Version 1996

² Emwa nii ma miẹn amẹ wọn, iran keghi rhunmwuda onii doga e Mosis kevbe Errọn.

Nọmbas 20:2 Iomraidhean Croise

Psalm 106:32

Vbe ovbi ẹzẹ e Mẹriba emwa ni keghi vbe ya ohu mu e Nọyaẹnmwa, e Mosis keghi la ẹmwẹ rhunmwuda iran.

Ẹksọdọs 16:12

“I họn ẹzọ ne ivbi Izrẹl gui, Tama iran wẹ ẹdẹ gha wan dee, iran gha miẹn emiowo re, ọ gha sẹ ẹghẹ owiẹ, iran gha vbe miẹn ebrẹd vbe ne iran ho. Ẹghẹ nii, iran gha rẹn wẹ mẹ ne Nọyaẹnmwa ọrọre Osanobua iran.”

Ẹksọdọs 16:2

Ehia keghi gha gui ẹzọ e Mosis kevbe Errọn vbe uwu ato.

Ẹksọdọs 16:7

Vbe owiẹ, wa gha miẹn awanwan ne ẹi gie a ghe ọghe ehe ne Nọyaẹnmwa ye. Ọ họn ẹzọ ne uwa gu irẹn gui, rhunmwuda uhunmwu ne ọ gie ọre ima yo.”

Nọmbas 14:2

Iran kegha gui ẹzọ e Mosis kevbe Errọn wẹẹ, “Ma te wa wulo vbe Igipt ra vbe uwu ẹgbo na ọre ọ maa sẹ.

Nọmbas 14:9

Wa ghẹ sọtẹ e Nọyaẹnmwa wa ghẹ vbe mu ohan emwa ni rre evba. Ma gha khọn iran miẹn otọ vbe ne ẹ i na sa ima ọfọ, e Nọyaẹnmwa gu ima rrọọ, ọ vbe fuẹn avbe ẹbọ ne ọ te gbe aro ghe iran an nẹ, rhunmwuda onii wa ghẹ mu ohan iran.”

Nọmbas 16:19

Ẹre Kora na si emwa ni hia koko, iran keghi mudia viọ aro da e Mosis kevbe Errọn vbe onurho Owa Ukpọn. Vbe udomwurri, uwanmwẹ ne ẹ i gia ghe nii, ne a ya rẹn ighẹ Nọyaẹnmwa rre evba, keghi rhie egbe maa emwa nii hia.

Nọmbas 16:3

Iran keghi do si egbe koko ye odaro e Mosis kevbe Errọn, iran tama iran wẹẹ, “Ọwua tua gbe, e Nọyaẹnmwa ọre ọ yan emwa nii hia, e Nọyaẹnmwa vbe rrọ yaba ima hia. Vbọzẹ ne uwẹ ne Mosis na ghi tọn egbe ruẹ mu yan emwa e Nọyaẹnmwa na hia?”

Nọmbas 16:42

Iran ghi si koko nẹ ne iran ya gui ẹzọ ọghe ọ ma kei ma e Mosis kevbe Errọn, iran keghi gbe aro ghe odẹ Owa Ukpọn Ile, iran keghi miẹn wẹ okuku degue ẹre kevbe wẹ uwanmwẹ ne ẹ i gia ghe, ne ọ rhie maa ighẹ Nọyaẹnmwa rre evba vbe rhie egbe maa.

Nọmbas 21:5

Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”